________________
श्रीगुणचंद महावीरच० ४ प्रस्तावः
॥ १३६ ॥
Jain Education
उचियपडिवत्ती, दवावियं महत्पमाणं सिंहासणं, निसन्नो जिणो, अणुरूवासणेसु य जहकमं उवविठ्ठा नंदिवद्धणाइणो । तओ ते भगवया अमयविंदुसंदोह सुंदरीए सभावमहुराए अपुणरुत्ताए गंभीराए भारईए भणिया, जहा - भो देवाणुप्पिया ! पडिपुन्नो तुम्हाणमवही, जाओ पत्थावो मम सङ्घविरइपडिवत्तीए, ता सहरिसं अणुमन्नह इयाणिं, मुयह | पेमाणुबंध, निहुरं कुणह विओगकायरं नियमणंति, ते य एवमायन्निउण गाढमण्णुपरिपूरिजमाणगलसरणिणो कहकहवि निरुद्धसोगावेगा अणवरयनिस्सरंतनयणंसुबिंदुजालच्छलेण पणयप्प भारं व चिरं उग्गिरिऊण भणिउमाढत्ता - भयवं! तुम्ह एवं भणता वज्जमया धुवं अम्ह सवणा जं न संपत्ता बहिरत्तणं, वइरसारप्परमाणुविणिम्मियं हिययं जं न वच्चइ तडत्ति सयसिक्करत्तणं, निद्दक्खिन्नत्तणपरममंदिरं व सरीरमिमं जमज्जवि न पवज्जइ रसायलगमणं, एवं ठिए य कहं पत्थुयत्थाणुमन्नणनिमित्तं पयट्टउ वराइणी वाणी, जओ-को होही विसमकज्जोयहिनिवडिराण अम्ह हत्थावलंबी ? कहं वा ससुरासुरनरनरिंदसंदोहवंद णिज्जपायपंकेरुहेण तुमए विरहियं भुवणत्तयपयंडं सोहिस्सइ नायखत्तियकुलं? अहो महामंदभागिणी अम्हे जेसिं करायलाओऽवि अवकमइ रयणंति, एवमाईणि कलुणवयणाणि भासिऊण निरभिलासा चैव निवडिऊण चलणेसु भगवओ विन्नात्तं काउं पवत्ता -
जवि जिणनाह ! तुम्हे पवज्जं काउमुज्जमह इहि । तहविहु अम्ह सुहट्टा पडिवज्जह निक्खमणमहिमं ॥ १ ॥ सिं उवरोहेणं तओ जिनिंदो इमपि पडिसुणइ । अन्मत्थण भंगपरंमुहाई हिययाईं गरुयाणं ॥ २ ॥
For Private & Personal Use Only
गुरूणामनुज्ञा.
॥ १३६ ॥
ainelibrary.org
