________________
श्रीगुणचंद महावीरच. ४ प्रस्तावः
श्रीसमन्तभद्रशिक्षा.
॥१०९॥
भणिओ य जहा भद्दय! एसा संसारसिंधुनावश्व । तुमए गहिया दिक्खा ता सम्म उजमिज्जासु ॥ ४ ॥ मा काहिसि खणमेक्कंपि पावमित्तेहिं दुहनिमित्तेहिं । संसग्गिं दुक्खेहिं विसयकसाएहिं सह भह ! ॥५॥ एवं चंकमियवं भोत्तवं एवमेव सइयत्वं । एवं भासेयवं इचाइ निवेइयं गुरुणा ॥६॥ संमं संपडिवजिय छठ्ठट्ठमखमणकरणखीणंगो । अप्पडिबद्धविहारं विहरिय गामागराईसु ॥७॥ अहिंगयजइधम्मविही विहियाणुहाणनिचतलिच्छो । लच्छिच्च संजमं रक्खिऊण निम्महियकम्मंसो ॥८॥ सो मोक्खपयं पत्तो नरविकमनरवईवि तस्स सुओ। उवभुंजिय रजदुगं निययपए ठविय पुत्तं च ॥९॥ पावियसम्मत्तगुणो पजते पालिऊण पवजं । कयदुक्करतवचरणो महिंदकप्पे सुरो जाओ ॥१०॥ इय नंदण ! नरपुंगव ! चरियं एएसिं पुरिससीहाण । तुज्झ मए परिकहियं जं तुमए पुच्छिअं आसि ॥ ११॥ सोऊण इमं तुममवि नरिंद! धम्मे तहुजमं कुणसु । जह उत्तिमपुरिसाणं अचिरेण निदसणं होसि ॥१२॥
इमं च सोचा राया जायपब्बजापरिणामो गुरुं विनविउं पवत्तो-भयवं! तुमं महातावतवियस्स व अमयधारा६ वरिसो छुहाभिभूयस्स व सुन्नखजगावणो दोगचचककंतस्स व चिंतामणी दुरालोयंधयारगिरिगुहागयस्स व पयास-
दीवो नीरनिहिनिहित्तस्स व समासासदीवो वियडाडवीपडियस्स व पसत्थसत्थनाहो मह कहकहवि चक्खुगोयरं गओ, ता इयाणिं परमपहु ! करुणाकुलभवण! एयं पवाहओ अणाइयं अणवदग्गं अपरिच्छेयमिच्छाजलुप्पीलपडि
॥१०९ ।।
hinelibrary.org
Jain Educati
For Private Personal Use Only
onal
