________________
Jain Educa
आगओ, तओ कोऊहलेण य भवनिव्वेणत्ति य संदेहपुच्छणेण य बहुमाणेण य धम्मसवणनिमित्तेण य नियनियदरिसणाभिप्पायविमरिसेण य समागया वहवे मंतिसामंतसेट्ठि सेणावइसत्थवाहदंडनाहप्पमुहा नयरलोया, निवडिया चरणेसु, निविट्ठा जहासंनिहिया धरणिवडे, सूरीवि पुचभवजियगुरुकम्मजलणजालालितत्तगत्तेसु करुणामयवुट्ठिपिव दिट्ठि सत्ते पेसंतो मंदरगिरिमंथम हिज्जमाणखीरोयरवगंभीरेण सद्देण सद्धम्मदेसणं काउमारद्धो, कहं ? - खरपवणपणुन्नकुसग्गलग्गजलबिंदुचंचलं जीयं । सुररायचावचवलं खणेणवि गलइ सरीरवलं ॥ १ ॥ पेम्मंपि तुंगगिरिसिरसरं सरियातरंगमित्र तरलं । लच्छीवि छड्डणुड्डमरवंछिरी पेच्छइ छलाई ॥ २ ॥ पयडपयद्वियदारुणविविहवियारा महासमुद्दे व । निवडंति आवया आवयव निश्च्चं सरीरंमि ॥ ३ ॥ मणिमंततंत दिवसहीण वावारणेवि अविणासं । भुंजंता देंति दुहं विसया विसवल्लरीउव ॥ ४ ॥ मिच्छत्तमोह मोहियमईहिं कीरंति जाई पावाई । भवसयपरंपरासुचि वेरिव मुयंति नो ताई ॥ ५ ॥ पियपुत्तलत्ताण जाण कजेसु वट्टियं बहुसो । परलोयपयट्टाणं ताणिवि नो हुंति ताणाय ॥ ६ ॥
भो नाउं जिणधम्ममणुदिणं सरह सरहसं कुसला ! | जावज्जवि वज्जमहासणिव निवडइ न तुम्ह जरा ॥७॥ ती पडणे पुण छिन्नपक्खपुडया विहंगवग्गव । उड्डियदाढाभुयगव हरियरजा गरिंदध ॥ ८ ॥ सच्छंदगमण परभीइजणणसव्त्रत्थसाहणविहीणा । चिररिद्धिं सुमरंता सुचिरं तुब्भे किलिस्सिहिह ॥ ९ ॥
national
For Private & Personal Use Only
jainelibrary.org
