________________
18 देवी चंपयमाला, पुट्ठा य सा आगमणपओयणं, भणियं च तीए-देव ! अज पच्छिमद्धजाम सेसरयणीए सुहपसु-18
ताए सुमिणमि सहसचिय वयणमि पविसमाणो मए अनणुप्पमाणो मणिरयणमालालंकिओ पवणसमुदुयंचला-हू भिरामो फलिहमयडिंडिरपंडुरडंडोबसोहिओ महज्झओ दिट्ठो, एवंविहं च अदिट्ठपुवं सुमिणं पासिऊण पडिबुद्धा समाणी समागया तुम्ह पासंसि सुमिणसुभासुभफलजाणणत्थं, ता साहिउमरिहइ देवो एयस्स फलंति, रन्ना भणियं-देवि ! विसिट्ठो तए सुमिणो दिट्ठो, ता निच्छियं होही तुह चउसमुद्दमेहलावलयमहिमहिलापइस्स कुल-18 केउस्स पुत्तस्स लाभो, जं तुम्भे वयह अवितहमेयंति पडिवजिय निबद्धा देवीए उत्तरीयंमि निढुरा सउणगंठी, है खणंतरं च मिहोकहाहिं विगमिय गया देवी निययभवणं, रायावि कयपाभाइयकायचो निसण्णो सभामंडवंमि अह पढममेव गाढकोउहलाउलिजमाणमाणसा समागया बुद्धिसागरपमुहा मंतिणो, भूमितलविलुलियमउलिमंडला निवडिया चरणेसु, दिन्नासणा निविट्ठा सट्ठाणेसु, विनविउमाढत्ताय-देव! अज चउजामावि सहस्सजामव कहमवि पभाया अम्ह रयणी घोरसिवमुणिवइयरोवलंभसमूसुगत्तणेणं, जइविकिपि पसंतवयणावलोयणाइलिंगोवगया कज्जसिद्धी बट्टइ तहावि विसेसेण तुम्भेहिं साहिजमाणिं सोउमिच्छामो, ता पसियउ देवो रयणिवइयरनिवेयणेणंति, ताहे तेसिं| वयणाणरोहओ ईसिं विहसियं काउं जहा घोरसिवेण समं मसाणदेसंमि संपत्तो जह विनाओ छोभमायरमाणो जहा य सो भणिओ गिण्हसु सत्थं जह तेण कत्तिया वाहिया कंठे जह पडिरुद्धो बाहू सकत्तिओ जह महीयले
ALSOMAMMOREOSASUR
For Private
Jain Educatollinational
djainelibrary.org
Personal Use Only
