________________
उभयपासेसु चामरग्गाहिणीओ निविट्ठा य नियनियठाणे मंतिसामंतसुहडखंडरक्खपामोक्खा पहाणपुरिसा पडि-I च्छियाई पचंतरायपेसियमहरिहपाहुडाइं चिंतियाई रजकजाई, खणंतरे य पेसियनीसेससामंतपभिइजणो कइवयपहाणजणपरियरिओ एगंतढिओ रयणिवइयरं बुद्धिसारपमुहाण मंतीणं संसिऊण पुच्छिउमेवं समारद्धो-भो| मंतिणो ! सुणह तुन्भे समयसत्थाई बुज्झह तंतमंतपडलाइं पजुवासह विज्जासिद्धे सयंपि सबोवहासुद्धबुद्धिणो विवेयह गुविलंपि कजजायं, ता साहह कहमिमस्स सुयलाभचिंतासायरस्स पारं वचिस्सामोत्ति? खणंतरं च चिंतिय जुत्ताजुत्तं भणियं मंतिवग्गेणं-देव ! सुटू सट्टाणे समुज्जमो, अम्हे पुरावि देवस्स एयमद्रं विनविउकामा आसि, संपयं पुण सयमेव देवेण सिढे लढे जायं, किं तु देवो अम्हे उवायं पुच्छइ, तत्थ य किं साहेमो ?,
अइदिवनाणनयणोवलब्भरूमि एत्थ वत्थुमि । कमुवायविहिं भणिमो? किं वा पञ्चुत्तरं देमो? ॥१॥ RI आगारिंगियगइभणिइगोयरं मिणइ मारिसो अत्थं । एवंविहे य कजे अम्हं को बुद्धिवावारो ? ॥२॥ है। एयं पुण जाणेमो नियनियकम्माणुरूवठाणेसु । जीवा उवायविरहेवि होंति पुत्ताइभावेणं ॥३॥
हसिऊण भणइ राया जइ एवं जणणिजणगविरहेऽवि । गयणंगणे पइक्खणमुववजंतीह किमजुत्तं? ॥४॥ कम्मपहाणतणओ ता मा एगंतपक्खमणुसरह । जं दवखेत्तकालावि कारणं कजसिद्धिंमि ॥५॥ अह भालयलमिलंतकरकमलं जं देवो आणवेइ अवितहमेयंति मन्निऊण बुद्धिसारपमुहो मंतिवग्गो भणिउमा
Jain Educat
For Private & Personel Use Only
M
ainelibrary.org
