________________
सायरमिलंतसुरिंदंसंदोहथुणिज्जमाणो उवविठ्ठो सिंहासणे जिणो,एत्थंतरे जिणागमणनिउत्तपुरिसेहिं वद्धाविओ तिविद्दार कहिओ जिणागमणवइयरो, तओ हरिसभरसमुलसंतरोमंचेण य दवावियं पीइदाणं सहृदुवालसकलहोयकोडीओ तेसि । पुरिसाणं, समग्गबलवाहणो अचलेणसमेओय गओवासुदेवो वंदणवडियाए, छत्ताइच्छत्तपमुहं जिणाइसयमवलोइऊण परिचत्तसयलरायचिंधो दूराओ चिय पयचारेण गंतूण तिपयाहिणापयाणपुत्वयं जयगुरुं नमंसिऊण एवं थोउं पवत्तो
जय संसारमहोयहिपडंतजणजाणवत्त! जयनाह ! । परमसिवमोक्खकारण! रणवजिय! विजियमयमाण!॥१॥ निम्महियमोहमाहप्प ! दुटुकंदप्पदप्पनिद्दलण! । मायाविसवल्लिविणासपरसु जय जय जयप्पवर! ॥२॥ जय संजमसिरिवलह कोहमहाजलणसजलजलवाह!। जय निम्मलकेवलकलियसयलजीवाइयपयत्थ! ॥३॥ जय विण्हुकुलंबरपुण्णचंद! सुररायनमियपयकमल! निप्पडिमपसमवरपुरपायार! गुणोहसाहार! ॥४॥ जय करुणामयसारणिसरिच्छ! निच्छिन्नकम्मदुममूल! दुहसेलदलणदंभोलिसरिसनामग्गहण! देव! ॥५॥ नाह! तुह पायपंकयममंदमयनिवहतंतिमयरंदं । फुलंधयं व धण्णो सयाऽवितण्हो समल्लियइ ॥६॥ को तुह जिणवर! वयणं अमयं व समत्थदोसहरणखमं । पाऊण कुतित्थियवक्ककलुससलीलं समीहेइ ॥७॥ जइविहु दूरमसारो संसारो तहवि देव! तुम्हेहिं । विहरतेहि मुणिजइ सारो निबुइपुरीओऽवि ॥ ८॥ आसग्गीवाइनरिंदविजयलाभाइ(भेऽवि)नेरिसो नाह!। जाओ ममप्पमोओ जह दंसणमेत्तओ तुझ ॥९॥
ॐॐॐॐॐॐ
Jain Educat
onal
For Private Personal Use Only
mainelibrary.org
