________________
हे काल! बद्धवरवंसजाय तुज्झवि गुणेण किं तेण ?। हा हा रक्खामणिणो वीसत्थविणासगा तुन्भे ॥४॥ धीधी पुरोहियाहम! चिरकालं तप्पियं तए जलणं । निलज! कहसु संपइ असिवं किं जं पडिक्खलियं? ॥५॥ हे अंगरक्खवग्गा! तुम्भेऽविहु कीस संपइ पलाणा ? । हा हा एगपए चिय सबंपि परंमुहं जायं ॥ ६ ॥ हा पाणनाह ! संपइ पडिहयपडिवक्खसुहडलक्खंमि। तुमए सग्गोवगए तडकिही कस्स जयढका? ॥७॥ हा रायलच्छि! वेहव्वदूसिए कीस जीवसि इयाणि ? । इहराणुहबसि दुक्खं दूमिजंती कुनाहहिं ॥ ८॥ इय विलविरीहिं निद्दयताडियथणवतुट्टहाराहि । वेहव्वदुक्खभरभजिरीहिं पल्हत्थवलयाहिं ॥९॥ अणवरयघोरगलियंसुवाहं रुन्नं तहा मयच्छीहिं । जह तहेसगएणं रुन्नं पक्खीगवि गणेणं ॥१०॥ ताहेऽणुजीविणा परियणेण पम्मुक्कपोकरन्नेण । आसग्गीवसरीरं खित्तं जालाउले जलणे ॥ ११ ॥
एत्थंतरे अंतेउरीजणवेहव्वदुक्खमसहमाणोव्य पयंडरणकम्मदंसणभयभीओब्ध तिक्खासिखंडियहयरुंडावलोयणुत्तहरहतुरंगोव्व समीरणुद्धयरहिरसीयरासारसंसित्तोव आलोहियमंडलो झडत्ति चक्खुगोयरमइकंतो सहस्सकिरणो, गवलगुलियालिवलयकज्जलतिमिरपडलपडकयावगुंठणा फुरंततारनयणा अणवरयनिवडंतउक्काफुलिंगुग्गारच्छलेण मणोइरित्तपरिपीयसुहडजणरुहिरगंडूसं व मुयंती महारक्खसिव भयजणणी पसरिया रयणी, ठिओ नियनियहाणेसु जणो, कमेण य जाए पहायसमए भणिया तिविट्ठणा नियपुरिसा-भो भो गच्छह संगामभूमि,
CATEGRECAREERICHNOLOCA-CA-CA
Jain Educationi
tional
For Private
Personel Use Only
helibrary.org
