________________
Jain Educat
तयणंतरं च पहरिसतडत्तितुतवम्मबंधेण । तेण विमुक्कं वहणट्ट्याए सिग्घं तिविट्टुस्स ॥ १० ॥ गंतुं कवाडविडे वच्छयले तं जत्रेण कुमरस्त । चिरदंसणुस्सुयं वलहं व तुंवेण संलग्गं ॥ ११ ॥ एत्थंतरंमि दचकतुं संघट्टघायवियलंगो | मुच्छानिम्मिलियच्छो पडिओ धरणीयले कुमरो ॥ १२ ॥ आसग्गीववलेणं ताहे संपन्न बहुपमोएणं । जयजयसद्दुम्मिस्सो पकओ कोलाहलो सहसा ॥ १३ ॥ तथा - जाव य उग्गीरियविविहपहरणा नावडंति सत्तुभडा । ताव तिविद्दुकुमारेण तक्खणं विगयमुच्छेणं ॥ १४ ॥ भो घोडयगी ! गओऽसि नासमहुणत्ति संलवंतेणं । तं चित्र तस्ताभिमुहं मुकं चक्कं झलहलंतं ॥ १५ ॥ तो तं तालफलंपिक तडत्ति छेत्तूण तिक्खधाराए । आसम्गीवस्स सिरं करे ठियं पुण तिविहुस्स ॥ १६ ॥ अह नियंमि आसग्गीवे हरिसवसविसप्पमाण समुचरोमंचेहिं सहसचिव जयजयरथं करतेहिं सुरासुरेहिं सरसपारियायत रुमंजरीनियर संवलिया सोरभभरगंधलुद्वमितभसलजालमुहला अगवरय विर्णिता मंदमयरंदबिंदुसंदोह विच्छु|रियसयलदिसा कमलकुवलयमालइपमुहा मुक्का पंचवन्न कुसुमबुट्टी, उग्धोसियं च महया सग जहा - भो भो पत्थिवा ! परिचयह कोवकंडुं मुयह दुव्त्रहदुविणयपणयं परिहरह आसग्गीवपक्वायं उज्झह असझवावारं पणमह सचायरेण तिविहुं, एसो खु एत्थ मरहखेत्ते समग्गबलवंतपुरिसप्पहाणो पुव्यभवसमुवज्जिय सुकय संभारवसविसप्पमाणम हलकलाणनिहाणो उप्पन्नो पढमो वासुदेवोत्ति । एवं च आयन्निऊग संभंतविलोयणेहिं दूरपरिमुकपहरणपत्रंचेहिं अहमह
ational
For Private & Personal Use Only
jainelibrary.org
