________________
त्रिपृष्ठाश्वग्रीवयोयुद्धम्.
श्रीगुणचंद 8 णिज्जवयणोऽसि अओ अवहिओ होहि एसा निवडइ कयंतदिद्विव दुविसहा विसिहपरंपरत्ति भणिऊण आयन्नमामहावीरच० कहिय कोयंडं रणज्झणाविया पहुंचा, मुक्का सलोहा मम्मावेहिगा खलालिब्ब निठुरा सरधोरणी, तओ आसग्गीवेण ३ प्रस्ताव
धणुवेयकुसलयाए अद्धमग्गमपत्तेच्चिय खंडिया तिक्खखुरुप्पेहि, पुणरवि कुमारेण मिचोब्ध सपक्खो निरवेक्खगामी ॥५७॥ खित्तो नारायनिवहो, सोऽवि निप्पुण्णजणमणोरहोब्ध पडिखलिओ आसग्गीवेण, किं बहुणा?
जं जं सत्थं किंपिवि खिवइ नरिंदस्स संमुहं कुमरो । तं तं आसग्गीवो दक्खत्तणओ पडिक्खलइ ॥१॥ आसग्गीवोऽवि पयंडकोवओ मुयइ पहरणं जमिह । वेजोब्ब रोगजायं कुमरोऽवि तयं पडिहणेइ ॥२॥ अह भरहबाहुबलिणोव्व गाढममरिसभरेण पहरंता । खयसमए राहुसणिच्छरव रेहंति ते दोऽवि ॥३॥ एवं परोप्परं जुज्झिराण तेसिं पगिट्ठदप्पाणं । सचराचरावि धरणी धरहरिया पयभरकंता ॥४॥ एत्यंतरंमि अणवरयखिवणओ पहरणुचओ सब्यो । आसग्गीवनरिंदस्स निढिओ सुकयरासिव ॥५॥ ताहे किंकायव्वयवाउलचित्तेण खेयविहुरेण । अविभग्गपसररिउदप्पदंसणुबूढकोवेणं ॥६॥ आवयधणं व दढपणयचित्तमित्तं व पियकलत्तं व । विसमावडिएणं नरवरेण संसुमरियं चकं ॥७॥ अह जलणुब्भडपसरंतकिरणमालासहसपल्लवियं । सुगविगमुग्गयमायंडचंडमंडलयदुप्पेच्छं ॥ ८॥ रुद्दजमारुणनयणं व मिलियनीसेसविजपडलं व । आसग्गीवस्स झडत्ति चक्करयणं करे चडियं ॥९॥
SACREASEASES
Jain Educat
i onal
For Private Personal Use Only
Mainelibrary.org
