________________
८ महा
Jain Education
कामित्तणेण पयावइति नामं कयं । अण्णया य सो विस्सभूई महासुकदेव लोयाओ चविऊण उबवण्णो मिगावइए | देवीए गर्भमि पुत्तत्ताए, तओ सा रयणिमि सुहपसुत्ता सत्त महासुमिणे पासित्ता णं पडिबुद्धा, पहिट्ठहियया य गया। रण्णो सगासे, निवेइओ सुविणवत्तंतो, रन्ना भणियं-देवि ! निच्छियं भुवणविक्खायजसो सयलसामंतम उलिमंडल| मसिणियकमकमलो पयावपडिहयपडिवक्खो कुलकेऊ तुह पुत्तो भविस्सह । जेण
एवंवि सुमिणाई देवि ! पुण्णेहिं कहवि दीसंति । हरिसभरनिव्भरंगी अभिनंदसु ता तुममिमाई ॥ १ ॥ इइ जंपिऊण रण्णा वाहरिया सुमिणपाढगा कुसला । ते य नरिंदाएसं तहत्ति पडिवज्जिउं सहसा ॥ २॥ हाया कयवलिकम्मा परिहियसुविसुद्धसुंदरदुगुला । सिरनिहियक्खय कुसुमा निडालकयरोयणातिलया ॥ ३ ॥ करकलियनिमित्तागमपोत्थयसत्था समत्थनयनिउणा । पज्जायागयविज्जा समागया झत्ति निवभवणं ॥ ४ ॥ सीहासणेसु सब्वायरेण उबवेसिया नरिंदेणं । फलफुलदाणपुब्वं सुमिणत्थं पुच्छिया ताहे ॥ ५ ॥ यि निमित्तसत्थाई वित्थरेणं सबुद्धिविहवेणं । परिचिंतिऊण तह निच्छयं च काऊण अण्णोऽण्णं ॥ ६॥ भणिओ पावsनियो हेरिसाणं विसिसुमिणाणं । अणुभावेणं नृणं पयडो नीसेसभुवर्णमि ॥ ७ ॥ तिक्खंडभरहसामी अप्पडिहयसासणो य तुह पुत्तो । होही अप्पडिमवलो इह पढमो वासुदेवोत्ति ॥ ८ ॥ आयन्निऊण एवं पट्ठिचित्तेण ते नरिंदेण । दाऊण घणं विविहं विसजिया नियनियगिहे ॥ ९ ॥
For Private & Personal Use Only
ainelibrary.org
