________________
|पलायितोऽसौ. तच्च छात्रेण रात्रिविलसितं सर्व विज्ञाय काकरक्षणवेलायां विजने जाते--दिवा बिभेषि काकेभ्यो, रात्रौ तरसि नर्मदाम् । कुतीर्थानि च जानासि, नेत्रकुञ्चनकानि च ॥१॥ इति पठता ज्ञापितं तस्याः, ततस्तया विज्ञाताऽहमनेनेति विचिन्त्योक्तं--भवादृशविदग्धाप्राप्त्येदमनुष्ठीयते, किं करोमि ? यथा तथा कालयापनां विदधामि, इतः प्रभृति तु त्वमेव मम प्राणनाथ इति गदितः, तेनोदितं-आः ! पापे ! किमुपाध्याय-1 स्यापि न लज्जसे , तया चिन्तितं-अस्यैवं वदतोऽयमाशयः-उपाध्यायः कण्टकप्राय आवयोस्तदेनं व्यापादयेति । स्वमत्या परिभाव्य रात्रौ सुखप्रसुप्तो व्यापादितः क्षुरिकया, बहूनि खण्डानि कृत्वा क्षिप्तो जरत्पिटिकायां, परिस्थापनार्थे । च विभातप्रायायां रजन्यां पिटिकां मस्तके कृत्वा गताऽटव्यां परिस्थापनवेलायां च कुलदेवतया मस्तक एवं स्तम्भिता पिटिका, ततो लज्जावशान्नगरमागन्तुमशक्नुवती कतिचिदिनानि तत्रैव निनाय, अन्यदा तु बाढं गाढबुभुक्षया दोदूयमाना लज्जां विहाय पत्तनं प्रविष्टा, भिक्षार्थ च गृहे २ ददत भिक्षां पतिमरिकाया इति प्रलपन्ती रुदती च पर्यटितुमारब्धा, लज्जादयश्च गुणास्तावदेव प्राणिनां, प्रसर्पन्ति यावद्धभुक्षा पिशाचीव नोच्छलति, तथा चोक्तम्"रूवं सिरि सोहग्गं नाणं माणं परक्कमं सत्तं । लज्जा इंदियविसओ. नवरि य एका छुहा हणइ॥१॥"
Jan Education Interi
For Private Personel Use Only
jainelibrary.org
