________________
AAAAAAAMKAR
याणं वावीणं जाव बिलपंतियाणं तत्थरदेसे २ तहिं २जाव बहवे तिसोवाणपडिरूवगा पण्णत्ता। तेसि णं तिसोवाणपडिरूवाणं अयमेयारूवे वण्णावासे पण्णत्ते, तंजहा-वइरामया नेमा रिट्ठामया पतिढाणा वेरुलियामया खंभा सुवण्णरुप्पामया फलगा वइरामया संधी लोहितक्खमईओ सूईओ णाणामणिमया अवलंबणा अवलंबणबाहाओ॥ तेसि णं तिसोवाणपडिरूवगाणं पुरतो पत्तेयं २ तोरणा पं० ॥ ते णं तोरणा णाणामणिमयखंभेसु उपणिविट्ठसण्णिविट्ठा विविहमुत्तरोवइता विविहतारारूवोवचिता ईहामियउसमतुरगणरमगरविहगवालगकिणररुरुसरभचमरकुंजरवणलयपउमलयभत्तिचित्ता खंभुग्गयवइरवेदियापरिगताभिरामा विजाहरजमलजुयलजंतजुत्ताविव अचिसहस्समालणीया भिसमाणा भिभिसमाणा चक्खुल्लोयणलेसा सुहफासा सस्सिरीयस्वा पासातिया ४॥ तेसि णं तोरणाणं उपि बहवे अट्टमंगलगा पण्णत्ता-सोत्थियसिरिवच्छणंदियावत्तवद्धमाणभद्दासणकलसमच्छदप्पणा सव्वरतणामया अच्छा सण्हा जाव पडिरूवा ॥ तेसि णं तोरणाणं उपि बहवे किण्हचामरज्झया नीलचामरज्झया लोहियचामरज्झया हारिद्दचामरज्झया सुकिल्लचामरज्झया अच्छा सण्हा रुप्पपट्टा वइरदंडा जलयामलगंधीया सुरूवा पासाइया ४॥तेसि णं तोरणाणं उप्पिं बहवे छत्ताइछत्ता पडागाइपडागा घंटाजुयला चामरजुयला उप्पल हत्थया जाव सयसहस्सवत्तहत्थगा सव्वरयणामया
Jain Education
a
l
For Private & Personel Use Only
R
w.jainelibrary.org
