________________
किंचिविसेसूणं परिक्खेवेणं उप्पिं सत्तइक्काणउए जोअणसए किंचिविसेसूणे परिक्खेवेणं, मूले विच्छिण्णे मझे संखित्ते उप्पि तणुए गोपुच्छसंठाणसंठिए सत्वरयणामए अच्छे, से णं एगाए पउमवरवेइआए एगेण य वणसंडेणं सवओ समंता संपरिक्तित्ते सिद्धाययणस्स कूडस्स णं उर्पि बहुसमरमणिज्जे भूमिभागे पण्णत्ते जाव तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एगे सिद्धाययणे पण्णत्ते पण्णासं जोअणाई आयामेणं पणवीसं जोअणाई विक्खंभेणं छत्तीसं जोअणाई उद्धं उच्चत्तेणं जाव जिणपडिमावण्णओ भाणिअव्वो। कहि णं भन्ते ! चुल्लहिमवन्ते वासहरपव्वए चुल्लहिमवन्तकूडे नाम कूडे पण्णत्ते?, गो०! भरहकूडस्स पुरथिमेणं सिद्धाययणकूडस्स पञ्चत्थिमेणं, एत्थ णं चुल्लहिमवन्ते वासहरपव्वए चुल्लहिमवन्तकूडे णामं कूडे पण्णत्ते, एवं जो चेव सिद्धाययणकूडस्स उच्चत्तविक्खंभपरिक्खेवो जाव बहुसमरमणिज्जस्स भूमिभागस्स बहुमज्झदेसभाए एत्थ णं महं एगे पासायवडेंसए पण्णत्ते बासहि जोअणाइं अद्धजोअणं च उच्चत्तेणं इकतीसं जोअणाई कोसं च विक्खंभेणं अब्भुग्गयमूसिअपहसिए विव विविहमणिरयणभत्तिचित्ते वाउद्धअविजयवेजयंतीपडागच्छत्ताइच्छत्तकलिए तुंगे गगणतलममिलंघमाणसिहरे जालंतररयणपंजरुम्मीलिएछ मणिरयणथूमिआए विअसिअसयवत्तपुंडरीअतिलयरयणद्धचंदचित्ते णाणामणिमयदामालंकिए अंतो बहिं च सण्वइरतवणिज्जरुइलवालुगापत्थडे सुहफासे सस्सिरीअरूवे पासाईए जाव पडिरूवे, तस्स णं पासायवडेंसगस्स अंतो बहुसमरमणिजे भूमिभागे पं० जाव सीहासणं सपरिवारं, से केणटेणं भन्ते! एवं वुच्चइ चुल्लहिमन्तकूडे २१, गो० ! चुल्लहिमवन्ते णाम देवे महिद्धीए जाव परिवसइ, कहि णं भन्ते ! चुल्लहिमवन्तगिरिकुमारस्स देवस्स चुलहिमवन्ता णामं रायहाणी पं० १, गो० ! चुल्लहिमवन्तकूडस्स दक्खिणेणं तिरियमसंखेजे दीवसमुद्दे वीईवइत्ता अण्णं जम्बुद्दीवं २ दक्खिणेणं बारस जोअणसहस्साई ओगाहित्ता इत्थ णं चुलहि
Jai Education inel
al
For Private Personal Use Only
O
wainelibrary.org
