________________
वत्तणकूडे आवत्ता समाणी पश्च तेवीसे जोअणसए तिण्णि अ एगूणवीसइभाए जोअणस्स दाहिणाभिमुही पव्वएणं गंता महया घडमुहपवत्तएणं मुत्तावलिहारसंठिएणं साइरेगजोअणसइएणं पवाएणं पवडइ, गंगा महाणई जओ पवडइ इत्थ णं महं एगा जिब्भिया पण्णत्ता, सा णं जिभिआ अद्धजोअणं आयामेणं छ सकोसाई जोअणाई विक्खंभेणं अद्धकोसं बाहल्लेणं मगरमुहविउट्ठसं. ठाणसंठिआ सबवइरामई अच्छा सण्हा, गंगा महाणई जत्थ पवडइ एत्थ णं महं एगे गंगप्पवाए कुंडे णामं कुंडे पण्णत्ते सर्डिं जोअणाई आयामविक्खंभेणं णउअं जोअणसयं किंचिविसेसाहिलं परिक्खेवेणं, दस जोअणाई उव्वेहेणं अच्छे सण्हे रययामयकूले समतीरे वइरामयपासाणे वइरतले सुर्वण्णसुब्भरययामयवालुआए वेरुलिअमणिफालिअपडलपञ्चोअडे सुहोआरे सुहोत्तारे णाणामणितित्थसुबद्धे बट्टे अणुपुव्वसुजायवप्पगंभीरसीअलजले संछण्णपत्तभिसमुणाले बहुउप्पलकुमुअणलिणसुभगसोगंधिअपडिरीअमहापडिरीअसयपत्तसहस्सपत्तसयसहस्सपत्तपप्फुल्लकेसरोवचिए छप्पयमयरपरिभुज्जमाणकमले अच्छविमलपत्थसलिले पुण्ण पडिहस्थभमन्तमच्छकच्छभअणेगसउणगणमिहुणपविअरियसदुन्नइअ महरसरणाइए पासाईए । से णं एगाए पउमवरवेइयाए एगेण य वणसण्डेणं सबओ समंता संपरिक्खित्ते वेइआवणसंडगाणं पउमाणं वण्णओ भाणिअव्यो, तस्स णं गंगप्पवायकुंडस्स तिदिसि तओ तिसोवाणपडिरूवगा पं०, तंजहा-पुरस्थिमेणं दाहिणणं पचत्थिमेणं, तेसिणं तिसोवाणपडिरूवगाणं अयमेयारूवे वण्णावासे पण्णत्ते, तंजहा-वइरामया णेम्मा रिट्ठामया पइट्ठाणा वेरुलिआमया खंभा सुवण्णरुप्पमया फलया लोहिक्खमईओ सूईओ वयरामया संधी णाणामणिमया आलंबणा आलंबणबाहाओत्ति, तेसि गं तिसोवाणपडिरूवगाणं पुरओ पत्तेअं पत्तेअं तोरणा पण्णत्ता, ते णं तोरणा जाणामणिमया णाणामणिमएसु खंभेसु उवणिविट्ठसंनिविट्ठा विविहमत्ततरोवइआ विविहतारारूवोवचिआ इहामिअउसह
For Private Personal Use Only
Ein library og
