________________
श्रीजम्बू. ४८
जा पासाईए जान पडिरूवेत्ति, से णं एगाए पउमवरवेइआए एगेण य वणसंडेणं सव्वओ समंता संपरिक्खित्ते वेइआवणसंडवण्णओ भाणिअव्वोत्ति, तरस णं पउमद्दहस्स चउद्दिसिं चत्तारि तिसोवाणपडिरूवगा पण्णत्ता, वण्णावासो भाणिअव्वोत्ति । तेसि णं तिसोवाणपडिरूवगाणं पुरओ पत्तेअं २, तोरणा पण्णत्ता, ते णं तोरणा णाणामणिमया, तस्स णं पउम द्दहस्स बहुमज्झदेसभाए एत्थं महं एगे पडमे पण्णत्ते, जोअणं आयामविक्खंभेणं अद्धजोअणं बाहल्लेणं दस जोअणाई उब्वेहेणं दो कोसे ऊसिए जलंताओ साइरेगाईं दसजोअणाई सव्वग्गेणं पण्णत्ता, से णं एगाए जगईए सव्वओ समता संपरिक्खित्ते जम्बुद्दीवजग गवक्खकडएवि तह चैव पमाणेणंति, तस्स णं पउमस्स अयमेआरूवे वण्णावासे पं० तं० - वइरामया मूला रिट्ठामए कंदे वेरुलिआमए णाले वेरुलिआमयां बाहिरपत्ता जम्बूणयामया अभितरपत्ता तवणिज्जमया केसरा णाणामणिमया पोक्खरत्थिभाया कणगामई कण्णगा, साणं अद्धजोयणं आयामविक्खंभेणं कोसं बाहणं सव्वकणगामई अच्छा, तीसे णं कण्णिआए उपि बहुसमरम णिज्जे भूमिभागे पण्णत्ते से जहा णामए आलिंग०, तस्स णं बहुसमरमणिज्जस्स भूमिभागस्स बहुमज्झदेसभाए, एत्थ णं महं एगे भवणे. प० को आयामेणं अद्धकोसं विक्खंभेणं देसूणगं कोसं उद्धं उच्चत्तेणं अणेग खंभसयस ण्णि विट्ठे पासाईए दरिसणिज्जे, तस्स णं भवणस्स तिदिसिं तओ दारा पं०, ते णं द्वारा पञ्चधणुसयाई उद्धं उच्चत्तेनं अद्धाइज्जाई धणुसयाईं विक्खंभेणं तावतिअं चेव पवेसेणं सेआवरकणगथूमिआ जाव वणमालाओ अबाओ, तस्स णं भवणस्स अंतो बहुसमरमणिजे भूमिभागे पण्णत्ते से जहाणाम आलिंग०, तस्स णं बहुमज्झदे सभाए एत्थ णं महई एगा मणिपेढिआ पं०, सा णं मणिपेढिआ पंचधणुसयाई आयामविक्खंभेणं अद्धाइजाइं धणुसयाई बाहल्लेणं सव्वमणिमई अच्छा, तीसे णं मणिपेढिआए उपि एत्थ णं महं एगे सयणिज्जे पण्णत्ते सय
For Private & Personal Use Only
w.jainelibrary.org
