________________
आवरणाणं च पहरणाणं च । सव्वा य जुद्धणीई माणवगे दंडणीई अ॥८॥णट्टविही गाडगविही कव्वस्स य चउंब्विहस्स उत्पत्ती। संखे महाणिहिंमी तुडिअंगाणं च सव्वेसि ॥ ९॥ चक्कट्ठपइट्ठाणा अदुस्सेहा य णव य विक्खंभा । बारसदीहा मंजससंठिआ जण्हवीइ मुहे ॥ १०॥ वेरुलिअमणिकवाडा कणगमया विविहरयणपडिपुण्णा । ससिसूरचक्कलक्खणं अणुसमवयणोववत्ती या ॥ ११॥ पलिओवमट्टिईआ णिहिसरिणामा य तत्थ खलु देवा । जेसिं ते आवासा अकिज्जा आहिवच्चा य॥ १२॥ एए णव णिहिरयणा पभूयधणरयणसंचयसमिद्धा । जे वसमुपगच्छंति भरहाविवचकवट्टीणं ॥ १३ ॥ तए णं से भरहे राया अदमभत्तंसि परिणममाणंसि पोसहसालाओ पडिणिक्खमइ, एवं मज्जणघरपवेसो जाव सेणिपसेणिसहावणया जाव णिहिरयणाणं अट्ठाहि महामहिमं करेइ, तए णं से भरहे राया णिहिरयणाणं अट्ठाहिआए महामहिमाए णिवत्ताए समाणीए सुसेणं सेणावहरयणं सद्दावेइ २त्ता एवं वयासी-गच्छण्णं भो देवाणुप्पिआ! गंगामहाणईए पुरथिमिल्लं णिक्खुडं दुचंपि सगंगासागरगिरिमेरागं समविसमणिक्खुडाणि अ ओअवेहि २ त्ता एअमाणत्ति पञ्चप्पिणाहित्ति । तए णं से सुसेणे तं व पुन्ववणि भाणिअव्वं जाव ओअवित्ता तमाणत्ति पञ्चप्पिणइ पडिविसज्जेइ जाव भोगभोगाई भुंजमाणे विहरइ।तए णं से दिवे चक्करयणे अन्नया कयाइ आउहघरसालाओ पडिणिक्खमइ २त्ता अंतलिक्खपडिवण्णे जक्खसहस्ससंपरिबुडे दिव्वतुडिअ जाव आपूरेते चेव विजयक्खंधावारणिवेसं मझमझेणं णिग्गच्छइ दाहिणपञ्चत्थिमं दिसिं विणीअं रायहाणि अभिमुहे पयाए आवि होत्था । तए णं से भरहे राया जाव पासइ २त्ता हतुह जाव कोढुंबिअपुरिसे सद्दावेइ २ चा एवं वयासी-खिप्पामेव भो देवाणुप्पिआ! आमिसकं जाव पञ्चप्पिणंति (सूत्रं ६६)
Jain Education
anal
For Private & Personal use only
forww.jainelibrary.org
