________________
आलोए चक्करयणस्स पणामं करेइ २ ता जेणेव चक्करयणे तेणेव उवागच्छइ२ ता लोमहत्थयं परामुसइ२ त्ता चक्करयणं पमज्जइ २ त्ता दिवाए उद्गधाराए अब्भुक्खेइ २ त्ता सरसेणं गोसीसचंदणेणं अणुलिंपइ २ ता अग्गेहिं वरेहिं गंधेहिं मल्लेहि अ अचिणइ पुष्फारुहणं मल्लगंधवण्णचुण्णवत्थारुहणं आभरणारुणं करेइ २ त्ता अच्छेहिं सण्हेहिं सेएहिं रययामएहिं अच्छरसातंडुलेहिं चक्करयणस्स पुरओ अट्टहमंगलए आलिहइ तं०-सोत्थिय सिरिवच्छ गंदिआवत्त वद्धमाणग भद्दासण मच्छ कलस दुष्पण अट्ठमंगलए आलिहित्ता काऊणं करेइ उवयारंति, किं ते !, पाडलमल्लिअचंपगअसोगपुण्णागचूअमंजरिणवमालिअबकुलतिलगकणवीरकुंदकोजयकोरंटयपत्तदमणयवरसुरहिसुगंधगंधिअस्स कयग्गहगहिअकरयलपब्भट्ठविप्पमुक्कस्स दसद्धवण्णस्स कुसुमणिगरस्स तत्थ चित्तं जाणुस्सेहप्पमाणमित्तं ओहिनिगरं करेत्ता चंदप्पभवइरवेरुलिअविमलदंडं कंचणमणिरयणभत्तिचित्तं कालागुरुपवरकुंदुरुक्कतुरुक्कधूवगंधुत्तमाणुविद्धं च धूमवहि विणिम्मुअंतं वेरुलिअमयं कडुच्छुअं पग्गहेत्तु पयतें धूवं दहइ २ त्ता सत्तट्ठपयाई मञ्चोसकइ २त्ता वामं जाणुं अंचेइ जाव पणामं करेइ २ ता आउघरसालाओ पडिणिक्खमइ २ मित्ता जेणेव बाहिरिआ उवट्ठाणसाला जेणेव सीहासणे तेणेव उवागच्छइ २ त्ता सीहासणवरगए पुरत्याभिमुहे सण्णिसीअइ २ त्ता अट्ठारस सेणिपसेणीओ सद्दावेइ २ त्ता एवं वयासीखिप्पामेव भो देवाणुप्पिआ! उस्सुक्क उक्करं उक्किटं अदिज अमिजं अभडप्पवेसं अदंडकोदंडिम अधरिमं गणिआवरणाडइजकलिअं अणेगतालायराणुचरिअं अणु अमुइंगं अमिलायमल्लदामं पमुइअपक्कीलिअसपुरजणजाणवयं विजयवेजइअं चक्करयणस्स अट्ठाहिअं महामहिमं करेह २ त्ता ममेअमाणत्तिअं खिप्पामेव पञ्चप्पिणह, तए णं ताओ अट्ठारस सेणिप्पसेणीओ भरहेणं रन्ना एवं वुत्ताओ
JainEducation
A
onal
For Private Personel Use Only
IAsww.jainelibrary.org
131
