________________
HTTEED TNாரா
ध्यानलीनास्तत्रैव तस्थुः। अरुणोदयेऽप्यगच्छतस्तान् दृष्ट्वा हा! मरणमेषां भावीत्यचिन्तयत् श्रेष्ठी । बहुप्रकाशे साधुवेषांस्तान् दृष्टा पुनरचिन्तयत्-आः! पापाः साधुवेषेण चौर्य कुर्वन्तो जिनशासने उड्डाहकृतोऽमी । तानप्याह-भोः! के यूयम् ? विरुद्धं वश्चरित्रं पश्यामि । तेऽप्यूचुस्तव शिष्या वयम् । श्रेष्ठत्यूचे-कथम् ? ततस्ते नमस्कारश्रवणाजातिस्मृत्याद्यूचुः । ततः श्रेष्ठिपृष्टाः स्वप्राग्भवं प्राहुः-विशालायां चत्वारो द्विजपुत्राः, अन्यदा मुनिवचसा प्रतिबुद्धास्तपस्यां गृहीत्वा दिवं जग्मुः, ततोऽत्र नृपकुलेऽवतीर्णास्ते वयं त्वया बोधिताः । श्रेष्ठयचिन्तयत्-अहो ! धन्या एते, यतः स्वल्पेनाप्यबुध्यन्त, अहं त्वाजन्म धर्मश्रवणेऽपि न प्रतिबुद्धः, ततो ममाप्येते गुरवः । ततः सर्वेऽपि दीक्षां गृहीत्वा तद्भव एव सिद्धाः। इति ब्रह्मसेनकथा । ते च प्राय एकावतारिणस्तद्भवसिद्धिकाः, सप्ताष्टभवसिद्धिगामिनो वा भवन्ति । अत्र तद्भवे देवतादत्तचिन्तामणिप्रभावाद् राजप्रबोधकस्य पूर्वभवे चौर्यगृहीतस्वहारमूल्यार्पणकथनमोचितचौरप्रतिबोधकस्य महामात्यस्यापि दृष्टान्तो वाच्यः । महागुरुप्रभृतयो धर्मोपदेशका अभयकुमारादयो महाश्रावकाश्च दृष्टान्ताः प्रसिद्धा एव । __कप्पास त्ति-कर्पास इति सामान्येन निर्देशेऽपि “यस्मिन्नेव हि सन्ताने, आहिता कर्मवासना । फलं तत्रैव संधत्ते, कर्पासे रक्तता यथा" ॥१॥ इत्यादिवचनात् तथाविधप्रसिद्धेश्च देशान्तरेषु केषुचित् कर्पासबीजानि रञ्जयित्वा उप्यन्ते, तद्भवश्च कर्पासोऽपि रक्त एव स्यात् , तदुद्भवं रूतसूत्रवस्त्राद्यपि च रक्तमेव, ईदृशश्च कर्पासोऽत्र गृह्यते । स च यथा प्राग्भवबीजागतपरिकर्मणा रङ्गं भवान्तरसहगरूतसूत्राद्यवस्थायामपि न त्यजति । तथा केचिज्जीवा भवान्तरसंस्कारवशा
Pங்கருகருகரு ஒரு
उ.३१ ।
Jan Education International
For Private Personel Use Only
