Page Text
________________
कथोपनय:
उपमितौ च. ४-प्र.
॥३५७॥
ROCOCCACK
पाण्डित्यगर्विताः । ये नूनमीदृशा लोके, भोगभोजनवञ्चिताः ॥ १२१ ॥ ते मोहेन स्वयं नष्टाः, परानपि कृतोद्यमाः । नाशयन्ति हि- तं तेऽतो, वर्जनीया विजानता ॥ १२२ ॥ तथाहियो भोगरहितो मोक्षो, वञ्चनं तदुदाहृतम् । तदर्थ कस्त्यजेदृष्टमिदं भोगसुखामृतम् ? ॥ १२३ ॥ एवंविधविकल्पैश्च, गुरुवाक्यपराङ्मुखः । अभूतगुणसङ्घातं, तेषु भोगेषु मन्यते ॥ १२४ ॥ कथम् ?-स्थिरा ममैते शुद्धाश्च, सुखरूपाश्च तत्त्वतः । एतदात्मक एवाहमलमन्येन केनचित् ॥ १२५ ॥ आस्तामेष गृहीतेन, मोक्षेण प्रशमेन वा । अहं तु नेदृशैक्यैिरात्मानं वञ्चयामि भोः! ॥ १६ ॥ ततश्च-सद्धर्मावेदनव्याजागाढं पूत्कुर्वतोऽग्रतः । गुरोरपि प्रवर्तेत, प्रमादाशुचिकर्दमे ॥ १२७ ॥ सा सर्वेयमविद्याख्या, जीवस्यास्य वरानने ! । महामोहनरेन्द्रस्य, गात्रयष्टिविजृम्भते ॥ १२८ ॥ यथा स भोजनं भूयो, भक्षयित्वा पुनवमन् । संजातसन्निपातत्वात्पतितस्तत्र भूतले ।। १२९ ॥ लुठन्नितस्ततो गाढं, मुञ्चन्नाक्रन्दभैरवान् । अनाख्येयामचिन्त्यां च, प्राप्तोऽवस्था सुदारुणाम् ॥ १३० ॥ न त्रातः केनचिल्लोके, तदवस्थः स्थितः परम् । तथायमपि विज्ञेयो, जीवः सर्वाङ्गसुन्दरि! ॥ १३१ ॥ तथाहि
यदा प्रमत्ततायुक्तस्तद्विलासपरायणः । विक्षिप्तचित्तस्तृष्णा”, विपर्यासवशं गतः ।। १३२ ॥ अविद्याऽन्धीकृतो जीवः, सक्तः संसारकर्दमे । आरोपितगुणत्रातस्तत्रैव विषयादिके ।। १३३ ॥ सर्वज्ञं धर्मसूरिं च, वारयन्तं मुहुर्मुहुः । सुवैद्यसन्निभं जीवो, विमूढमिति मन्यते ॥ १३४ ॥ त्रिभिर्विशेषकम् । ततश्च-पापोऽजीर्णज्वराक्रान्तः, स जीवो वान्तिसन्निभे । तं रटन्तमनालोच्यासत्प्रमादे प्रवर्तते ॥१३५॥ तदा निःशेषदोषौघभरपूरितमानसे । सन्निपातसमो घोरो, महामोहोऽस्य जम्भते ॥ १३६ ॥ युग्मम् । ततश्च तद्वशेनायं, जीवः सुन्दरलो|चने! । पश्यतामेव निश्चेष्टो, भवत्येव विवेकिनाम् ।। १३७ ।। मूत्राबाशुचिजाम्बालवसारुधिरपूरिते । निर्बोलं निपतत्येव, नरके वान्तिपिच्छले ॥ १३८ ॥ लुठतीतस्ततस्तत्र, मुञ्चन्नाक्रन्दभैरवान् । सहते तीब्रदुःखौघं, यद्वाचां गोचरातिगम् ।। १३९ ॥ तथा विचेष्टमान
॥ ३५७॥
C
in Educator
For Private & Personal Use Only
M
w.jainelibrary.org
| SR No. | 600071 |
| Book Title | Upmitibhava Prapancha Katha Purvarddha |
| Original Sutra Author | Siddharshi Gani |
| Author | |
| Publisher | Devchand Lalbhai Pustakoddhar Fund |
| Publication Year | 1918 |
| Total Pages | 474 |
| Language | Sanskrit |
| Classification | Manuscript |
| File Size | 24 MB |