Page Text
________________
उपमितौ तृ. ३-प्र. ॥ २७२ ॥
Jain Education
“देवी, स्वबलेन महात्मनाम् । तेन सा सदनुष्ठानजनकेति निरुच्यते ||८|| ( युग्मम् ) कामक्रोधभयद्रोहमोहमात्सर्यविभ्रमाः । शाठ्यपैशुन्यरा“गाद्या, ये लोके पापहेतवः ॥ ९ ॥ तेषां तया सहावस्था, नास्त्येव भुवनत्रये । अतः सा चारुता देवी, पापानां दूरवर्तिनी ॥ १०॥ तस्याश्च “शुभपरिणामसम्बन्धिन्याश्चारुताया महादेव्या आहादहेतुर्जगतः सुन्दरा रूपेण वल्लभा बन्धूनां कारणमानन्दपरम्परायाः सततं मुनीनामपि "हृदयवासिनी विद्यते दया नाम दुहिता, तथाहि-- सर्वे चराचरा जीवा, भुवनोदरचारिणः । दुःखं वा मरणं वाऽपि, नाभिकाङ्क्षन्ति “सर्वदा ॥ १ ॥ ततश्व - सा दया द्वयमप्येतद्वारयत्येव देहिनाम् । तेन सा भुवनाहादकारणं परिकीर्तिता ॥ २ ॥ मुखं शशधराकारं, "माभीर्दानाख्यमुत्तमम् । सद्दानदुःखत्राणाख्यौ, दयायाः पीवरौ स्तनौ ॥ ३ ॥ विस्तीर्ण जगदानन्दं, शमाख्यं जघनस्थलम् । यद्वा नास्त्येव “तद्देहे, किञ्चिदङ्गमसुन्दरम् ॥ ४ ॥ रूपेण सुन्दरा प्रोक्ता, तेन सा मुनिपुङ्गवैः । यथेष्टा बन्धुवर्गस्य तथेदानीं निगद्यते ॥ ५ ॥ क्षान्तिः “शुभपरिणामश्च चारुता निष्प्रकम्पता । शौचसन्तोषधैर्याद्या, दयाया बान्धवा मताः ॥ ३ ॥ तेषां तु सतताहादकारिणी हृदयस्थिता । "तेनातिवल्लभा प्रोक्ता, बन्धुवर्गस्य सा दया ॥७॥ सुरेषु मर्त्यलोके च मोक्षे च सुखपद्धतिः । दयापरीतचित्तानां वर्तते करवर्तिनी ॥ ८ ॥ "आनन्दपद्धतेर्हेतुस्तेन सा कन्यका मता । अत एव सुसाधूनां हृदये सा प्रतिष्ठिता ।। ९ ।। अथवा — दया हितकरी लोके, दया सर्वगु|" णावहा । दया हि धर्मसर्वस्वं दया दोषनिषूदनी ॥ १० ॥ दयैव चित्तसन्तापविध्यापनपरायणा । दयावतां न जायन्ते, नूनं वैरपरम्पराः “॥ ११ ॥ किं चात्र बहुनोक्तेन ?, गुणसम्भारगौरवम् । वहन्ती पद्मपत्राक्षी, सा दया केन वर्ण्यताम् ? ।। १२ ।। तत्र परमार्थोऽयं, "महाराजाय कथ्यते । हिंसायाः प्रलयोपायो, नापरोऽत्र निरीक्ष्यते ॥ १३ ॥ यदैष तां दयां धीरः कुमारः परिणेष्यति । तदाऽस्य स्वय
१ जनयतादिति जनका 'आशिष्यकन्' इत्यकनि नित्त्वान्नेकार:
For Private & Personal Use Only
दयातत्कुटुम्बवर्णनं
॥ २७२॥
v.jainelibrary.org
| SR No. | 600071 |
| Book Title | Upmitibhava Prapancha Katha Purvarddha |
| Original Sutra Author | Siddharshi Gani |
| Author | |
| Publisher | Devchand Lalbhai Pustakoddhar Fund |
| Publication Year | 1918 |
| Total Pages | 474 |
| Language | Sanskrit |
| Classification | Manuscript |
| File Size | 24 MB |