________________
देवानां
सणंकुमारे जहन्नेणं, दुन्नि ऊ सागरोवमा ॥ १५९६ ॥ सागरा साहिया सत्त, उक्कोसेण वियाहिया। माहिदं मि जहन्नेणं, साहिया दुन्नि सागरा ॥ १५९७ ॥ दस चेव सागराइं, उक्कोसेण विवाहिया। बंभलोए जहन्नेणं, सत्त उ सागरोवमा ॥ १५९८ ॥ चउद्दस उ सागराइं, उक्कोसेण वियाहिया । लंतगंमि जहन्नेणं, दस उ सागरोवमा ॥१५९९ ॥ सत्तरस सागराई, उक्कोसेण वियाहिया । महासुक्के जहन्नेणं, चउद्दस सागरोवमा ॥ १६००॥ अट्ठारससागराइं, उक्कोसेण वियाहिया। सहस्सारे जहन्नेणं, सत्तरससागरोवमा ॥ १६०१॥ सागरा अउणवीसंतु, उक्कोसेण ठिई भवे । आणयंमि जहन्नेणं, अट्ठारससागरोवमा ॥ १६०२॥ वीसं तु सागराई तु, उक्कोसेण ठिई भवे । पाणयंमि जहन्नेणं, सागरा अउणवीसई ॥१६०३ ॥ सागरा इक्कवीसं तु, उक्कोसेण ठिई भवे । आरणंमि जहन्नेणं, वीसई सागरोवमा ॥ १६०४ ॥ बावीस सागराई, उक्कोसेण ठिई भवे । अचुयंमि जहन्नेणं, सागरा इक्कवीसई ॥ १६०५ ॥ तेवीस सागराई, उक्कोसेण ठिई भवे । पढमंमि जहन्नेणं, बावीसं सागरोवमा ॥ १६०६ ॥ चउवीस सागराइं, उक्कोसेण ठिई भवे । बिइयंमि जहन्नेणं, तेवीसं सागरोवमा ॥ १६०७॥ पणवीस सागरा ऊ, उक्कोसेण ठिई भवे । तइयंमि जहन्नेणं, चउवीसं सागरोवमा ॥१६०८॥ छव्वीस सागराई, उक्कोसेण ठिई भवे । चउत्थयंमि जहन्नेणं, सागरा पणवीसई ॥ १६०९ ॥ सागरा सत्तवीसं तु, उक्कोसेण ठिई भवे । पंचमंमि जहन्नेणं, सागरा उ छवीसई॥१६१०॥ सागरा अट्ठवीसंतु, उक्कोसेण ठिई भवे । छटुंमि जहन्नेणं, सागरा सत्तवीसई ॥ १६११॥ सागरा अउणतीसं तु, उक्कोसेण ठिई भवे । सत्तमं जहन्नेणं, सागरा अट्ठकीसई ॥ १६१२॥
कालादि
Jain Education
Odional
For Private & Personal use only
c
ainelibrary.org
