________________
उत्तराध्य.
मृगापुत्रीया० १९
बृहद्वृत्तिः ॥४५५॥
ALSARORARRORORSCARRIERSCAN
सव्वभूएसुं, सत्तुमित्तेसु वा जगे । पाणाइवायविरई, जावजीवाय दुक्करं ॥ २५ ॥ निच्चकालऽप्पमत्तेणं, मुसा-1 वायविवजणं । भासियव्वं हियं सचं, निच्चाउत्तेण दुक्करं ॥ २६ ॥ दंतसोहणमाइस्स, अदत्तस्स विवजणं । अणवजेसणिजस्स, गिण्हणा अवि दुक्करं ॥२७॥ विरई अबंभचेरस्स, कामभोगरसन्नुणा । उग्गं महब्वयं बंभ, धारेयव्वं सुदुक्करं ॥२८॥ धणधन्नपेसवग्गेसु, परिग्गहविवजणं । सवारंभपरिचागो, निम्ममत्तं सुदुक्करं ॥२९॥ चउविहेऽवि आहारे, राईभोयणवजणा । संनिहीसंचओ चेव, बजेयव्वो सुदुक्करं ॥३०॥ छुहा तण्हा य सीउण्हं, दंसमसगा य वेयणा । अक्कोसा दुक्खसिज्जा य, तणफासा जल्लमेव य ॥३१॥ तालणा तजणा चेव, वहबंधपरीसहा । दुक्खं भिक्खायरिया, जायणा य अलाभया ॥ ३२॥ कावोया जा इमा वित्ती, केसलोओ अ दारुणो । दुक्खं बंभव्वयं घोरं, धारेउं अमहप्पणो ॥ ३३ ॥ सुहोइओ तुमं पुत्ता!, सुकुमालो सुमजिओ।न हुसी पभू तुम पुत्ता!, सामन्नमणुपालिया ॥ ३४ ॥ जावजीवमविस्सामो, गुणाणं तु महन्भरो। गरुओ लोहभारु व्व, जो पुत्ता! होइ दुब्वहो ॥ ३५॥ आगासे गंगसोउ व्व, पडिसोउव्व दुत्तरो । बाहाहिं सागरो चेव,तरियव्वो य गुणोयही ॥३६॥ वालुयाकवले चेव,निरस्साए उ संजमे । असिधारागमणं चेव, दुक्कर चरिउ तवो ॥ ३७॥ अहीवेगंतदिट्टीए, चरित्ते पुत्त! दचरे । जवा लोहमया चेव, चावेयव्वा सुदुक्करं ॥ ३८॥ जहा अग्गिसिहा दित्ता, पाउं होइ सुदुक्करं । तह दुक्कर करेउं जे, तारुण्णे समणत्तणं ॥ ३९ ॥ जहा दुक्खं
॥४५५॥
Jain Education
NITnal
For Private & Personal use only
www.jainelibrary:org
