________________
Jain Educatio
जाहि बुड्ढे ! सो घरे आगतो, सा गया, दिट्ठो पुवागतो, जुयलगरुवगे गहाय सक्कारिओ, ततो दोऽवि कयकज्जा गुरुसमीवमागया, अविसंवादिनिमित्तेण गुरू पणमितो, इयरो न पणमेइ, गुरुणा पुच्छिओ-कीस न पणमसि ?, सो भणइ-मम निमित्तसत्यसन्भावो तुमे न कहितो, ततो जहाभूयं परिकहियं, मए परिणामियं पसिणकाले घडस्स विवत्ती ततो मरणं कहियं, गुरुणा विइतो पुच्छितो, सो भणइ-मए एवं परिणामियं एसो घडो भूमीए उट्ठितो भूमीए मिलितो, एवं सोऽवि दारगो माऊए मिलितो, जतो भणियं - 'तज्जाएण य तञ्जायमित्यादि, गुरुणा भणितो- को मम दोसो ?, न तुमं सम्मं परिणामेसि, एअस्स वेणइगी बुद्धी १ ॥ अत्यंसत्थे पचंतरायाण वित्तासणे कप्पओ दितो सो उवरि भणिहिइ २ | लेहे अट्ठारसलिविजाणगे, अण्णे भणति - गणिए जहा विसमगणितजाणगो, अण्णे भणंति-कुमारा वट्टेहिं रमंता अक्खराणि सिक्खावियाणि ३ । गणिएवि, एसावि तस्स सिक्खावयस्स वेणइगी बुद्धि ४ ॥ कूवे, खायजाणगेण भणियं-जहा एदूरे पाणियंति, तेहिं खयं तं बोलीणं, सिला उम्मग्गा, तस्स कहियं, तेण भणियं-पासे आहणह, आहया, थासगसद्देण जलमुद्धाइयं, एयस्स वेणइगी बुद्धी ५ । आसे, आसवाणियगा बारवतिं गया, सबे कुमारा थुल्ले वड्डे य आसे गेहंति, वासु| देवेण दुब्बलओ लक्खणजुत्तो जो सो गहितो कज्जनिबाही अणेगआसावहो य जातो, वासुदेवस्स वेणइगी ६ । गद्दभे एगो राया, सो तरुणप्पिओ, थेरे नियदरिसावं वारिता, अन्नया विजयजत्ताए गतो, अडवीए पविडो, तिसाए बाहितो, खंधावारो, राया अद्दन्नो, तरुणा जंकिंपि जंपंति, एगेण भणियं देव ! जइ परमियाणिं थेरबुद्धीए जीवामो, थेरो मग्गितो, न लब्भइ, पडहतो घोसावितो, एगेण पितिभत्तेण पिया थेरो आणीओ आसि, तेण पडहतो वारितो, राया
ational
For Private & Personal Use Only
w.jainelibrary.org
