________________
विद्या - महापुरुषदत्तादि सिध्येत् स विद्यासिद्धः, सातिशयत्वात् क इव ? - आर्यखपुटवदिति गाथाक्षरार्थः, भावार्थः कथानकादवसेयः, तच्चेदम् - विज्जासिद्धा आयरिया, तेसिं च बालो भागिणेज्जो, तेण तेसिं पासातो विज्जा कन्नाहेडिया, विज्जासिद्धस्स नमोकारेणावि किर विज्ञातो भवंति, सो विजाचकवडी, सो तं भागिणेज्जं भरुकच्छे साहुसगासे ठविऊण गुडसत्थं नगरं गतो, तत्थ किल विज्जापरिवायतो साहूहिं वादे पराजितो अद्धितीय कालगतो तंमि गुडसत्थे नगरे बडकरओ वाणमंतरो जातो, तेण तत्थ साहुणो सधे उवदविउँ पारद्धा, तन्निमित्तं अज्जखउड़ा तत्थ गया, तेण गंतूण तस्स कन्नेसु उवाहणाओ ओलंबियातो, मुहे अवाणं ठविऊण उप्पाओ पंगुरिऊण सुत्तो, देवकुलिओ आगतो पेच्छइ, ततो जणं घेत्तूण आगतो, जतो जतो उग्घाडिजइ ततो ततो अहिट्ठाणं दीसइ, रण्णो कहियं, तेणवि दिट्ठ, कट्ठलट्ठीहिं पहतो सो, पहारे अंतेउरे संकामेइ, मुक्को, रण्णा सबहुमाणं बहुप्पगारं भणितो जहा पसायं करेह मुंच एयं देवंति, ततो संभंतो उट्टितो चलितो य, पिट्ठतो य वडकरगो अन्नाणि य वाणमंतराणि खडखडंताणि चलंति, लोगो राया य पायवडितो विण्णवेइमुयाहित्ति, तस्स देवकुले दोन्नि महतिमहालियातो पाहाणमईओ कुंडीओ, तातोवि चलियातो, ततो तातो सो वडकरओ अण्णाणि य वाणमंतराणि खडखडेंताणि पिट्ठितो हिंडंति, जणो राया य तहेत्र विष्णवेइ, ततो गामपज्जंते वडुकरतो वाणमंतराणि य मुक्काणि सट्टाणं गयाणि, तातो दोणीतो दोन्निवि अग्गतो आणित्ता हड्डियातो, जो मम सरिसो सो सङ्काणं पावेस्सति, सोय भायणिज्जो आहारगेहीए निधीवायं वेलवज्जितो भरुकच्छे तच्चणियचेलओ जातो, तस्स विज्ञापभावेण पत्ताणि आगा| सेण उवासगाणं घरेसु गच्छंति, भरियाणि पुण सङ्काण मेंति, लोगो बहुओ तम्मुहो जातो, संघेण अज्जखउडाण माणुसं पेसियं,
Jain Education onal
For Private & Personal Use Only
jainelibrary.org
