________________
जामे विबुज्झइ, अहवा बितिए तइए चउत्थे, अहवा सुवति चेव, चउत्थो सिरिघरि ओ, तारिसो सिरिघरो कतो जहा आगतो न किंचि पेच्छइ, एए गुणा तेसिं, सो राया अपुत्तो निधिण्णकामभोगो पवज्जोवायं चिंतंतो अच्छइ, ततो पाडलिपुत्ते नयरे जियसत्तू राया, सो तस्स नयरिं रोहेइ, एत्थंतरंमि तस्स रन्नो पुत्रकयकम्मपरिणतिवसेण गाढं सूलमुप्पन्नं, ततोऽणेण भत्तं पञ्चवक्खायं, देवलोगं गतो, नागरगेहिं से नयरी दिन्ना, सावया सद्दाविया, पुच्छंति- किंकम्मगा ?, भंडारिएण पवेसितो, किंचि न पेच्छति, अन्नेण दारेण दरिसियं १ सेज्जावालेण एरिसी सेज्जा कथा जेण मुहुत्ते मुहुत्ते उट्ठेइ २ सूवेण एरिसं भत्तं कथं जेण वेलं वेलं जेमेइ ३ अब्भंगएण एक्कातो पायातो तेल्लं न नीणियं, जो मम सरिसो सो नीणेड ४, चत्तारिवि पवइया, सो तेण तेल्लेण डज्झतो कालतो जातो, कागवन्नो नामेण विक्खातो ॥ इतो य-सोप्पारए दुब्भिक्खं जायं, सो कोक्कासी उज्जेणिं गतो, रायाणं किह जाणावेमित्ति कवोतेहिं गंधसालिं अवहरइ, कोट्ठागारिएण कहियं, मग्गिएण दिट्ठो, आणीतो, रण्णा णातो, वित्ती दिन्ना, तेणागासगामी खीलिया पयोगनिम्मातो गरुडो कतो, सो य राया तेण कोकासेण | देवीए समं तेण गरुडेण नहमग्गेण हिंडइ, जो न नमइ तं भणति - अहं आग सेणागंतूण मारेमि, ते सवे आणाविया कया, तं देवि सेसियातो देवीतो पुच्छंति जाए कीलियाए नियत्तइ जंतं, सा एगाए वच्चंतस्स ईसाए नियत्तणखीलिया गहिया, ततो नियत्तणवेलाए नायं जहा नत्थि नियत्तणखीलिया, ततो न नियत्तइ, ताहे उद्दामं गच्छंतस्स कलिंगे ईसिपाणिए तलाए पक्खा भग्गा, पंखाविगलोत्ति पडितो, ततो तस्संघायणनिमित्तं उवकरणट्ठा कोक्कासो नगरं गतो, तत्थेक्को रहकारो रहं निचतेइ, एकं चक्कं निबत्तियं, बीयस्स अद्धं निवत्तियं, सो ताणि उवगरणाणि मग्गइ, सो भणइ-जाव घरातो आणेमि, राउलातो
Jain Educational
For Private & Personal Use Only
*
www.jainelibrary.org
