________________
Jain Educati
जे सूरा ते आणेमि, कतिहिं कज्जं ?, वउहिं, आणीया, सद्दवेहिणो दिसावाला कया, मंडलं कयं दिसावाला भणियाजत्तो सिवासदं सुणेह तं मणागं विंधह, ससरक्खा य भणिया- हुंफडित्तिकए सिवारुयं करेज्जह, दिकरिया भणिया- तुमं तह च्चैव अच्छेजह, तहा कयं, विद्धा ससरक्खा, न पडणा चेडी, विपरिणतो धणो, चहेण वृत्तं-मए भणियं 'जइ कहवि अवंभचारिणो होंति न कज्जं सिज्झिहिइ' इत्यादि, धणेण भणियं को उवातो ?, चट्टेण भणियं - एरिसा बंभचारिणो भवंति, गुत्तीतो कहेइ, दगसूयरादिसु गवेसियातो, नत्थि, साहूण ढुक्को, तेहिं सिद्धातो-वसहि १ कह २ सेजें ३ दिय ४ कुडुंतर ५ पुबकीलिय ६ पणीए ७ । अइमायाहार ८ विभूसणा ९ य नव बंभगुतीतो ॥ १ ॥ एयासु वट्टमाणो सुद्धमणो जो य बंभयारी सो । जम्हा उ बंभचेरं मणोनिरोहो जिणाभिहियं ॥ २॥ उवगए भणियं - बंभयारीहिं मे कज्जं, साहू भणंति-न कप्पइ निग्गंधाणमेयं, चट्टस्स कहियं लद्धा बंभयारी, न पुण इच्छंति, तेण भणियं - एरिसा चैव परिचत्तलोगवावारा मुणओ भवंति, किंतु पूइएहिवि तेहिं कज्जसिद्धी होइ, तन्नामाणि लिक्खति, न ताइं खुद्दवंतरी अइक्कमति, ततो बंभयारिणो रुइया, मंडलं कयं, साहुनामाणि लिहियाणि, दिसावाला ठविया, न कूवियं सिवाए. पउणा चेडी, धणो साहुमल्लियंतो सद्धो जातो, धम्मोवगारिति चेडी मुत्ताहलमाला य तस्सेव दिन्ना, एवं अतुरंतेण पावियत्ति सिलोगत्थो, सो एयं सुणिऊण परिणामेइ, अहंपि सदेसं गंतुं अतुरंतो तत्थेव कंचि उवायं चिंतिस्सामि, गतो सदेसं, तत्थ य विज्जासिद्धा पाणा दंडरक्खा, तेण ते ओलग्गिया, भणंति-किं ते अम्हेहिं कज्जं ?, सिहं- देवि घडेह, तेहिं चिंतियं-उच्छोभं से देमो जेण राया परिच्चयइ, तेहिं मारी विउबिया, लोगो मरिउमारद्धो, रण्णा पाणा समादिट्ठा, णासेह मारिं, तेहिं भणियं - गवेसामो, विजाए य देवीवासहरे माणुसहत्थपाया विडबिया, मुहं च
ational
For Private & Personal Use Only
www.jainelibrary.org
