________________
तत्थ जियसत्तू राया, सो उहितो, किं देमि ?, धूयं देहित्ति, तस्स धूयासयं, जा तुम इच्छइ सा तुझंति, कण्णंतेउरं गतो,13 ताहिं दट्ठण निच्छुढं, न लज्जसित्ति भणितो, तातो खुजीकयातो, तत्थ एगा तस्स धूया रेणुएणं रमइ, तीएऽणेणं फलं पणामियं, इच्छसित्ति य भणिया, हत्थो पसारितो, निजंतीए उवट्ठियायो खुज्जीओ सालिरूवए देहि, अक्खुजीतो कयातो, नीया आसमं, सगोमहिसपरियणा राइणा दिन्ना, संवद्धिया, जोवणं पत्ता जाहे जाया ताहे वीवाहधम्मो जातो, अन्नया उउसमए जमदग्गिणा भणिया-अहं ते चकै साहेमि, जेण ते पुत्तो बंभणपहाणो होइ, तीए भणियं-एवं किजउ, मज्झ य भगिणी हथिणउरे अणंतविरियस्स भन्जा, तीसेवि साहेहि खत्तियचरुगंति, तेण साहितो, सा चिंतेइ-अहं ता अडवीए | मिगी जाया, मा मम पुत्तो एवं नासउत्ति तीए खत्तियचरू जिमितो, इयरीए इयरो पेसितो, दोण्हवि पुत्ता जाया, तावसीए रामो, इयरीए कत्तविरिओ, सो रामो तत्थ संवद्धइ, अन्नया एगो विजाहरो तत्थ समोसड्डो, पडिभग्गो, तेण सो पडिचरिओ पगुणो जातो, ततो से रामस्स तेण तुद्वेण परसुविज्जा दिन्ना, सरवणे साहिया, अन्ने भणंति-जमदग्गिस्स परंपरागया परसुविज्जा, तेण रामो पाढिओ, तस्स सिद्धा, सा रेणुगा भगिणीघरं गया, तेण रण्णा समं पलग्गा, सपुत्ता जमदग्गिणा आणीया, रुट्ठो रामो, ततो रामेण सपुत्ता मारिया, सोऽवि किर तत्थेव ईसत्थं सिक्खितो, तीसे भगिणीए सुयं, रण्णो कहियं, सो आगतो, आसमं विणासित्ता गावीतो घेत्तूण पधावितो, रामस्स कहियं, तेण पधाविऊण परसुणा मारिओ, कत्तविरिओ राया जाओ, तस्स देवी तारा, अण्णया से पिउमरणं कहियं, तेण आगंतूण जमदग्गी मारिओ, रामस्स कहियं, तेण गएण जलंतेणं परसुणा कत्तवीरितो मारितो, सयं चेव रज पडिवणं । इतो य देवी तेण
Jain Education
For Private & Personel Use Only
www.jainelibrary.org
