________________
से णं परो० एवं ता तुम नावाए उदयं हत्थेण वा पाएण वा मत्तेण वा पडिग्गहेण वा नावाउस्सिंचणेण वा उस्सिंचाहि,
णो से तं । से णं परो आउसंतो! समणा ! एयं तुम नावाए उत्तिंग हत्थेण वा पाएण वा बाहुणा वा ऊरुण वा उदरेण दवा सीसेण वा काएण वा उस्सिंचणेण वा चेलेण वा मट्टियाए वा कुसपत्तएण वा कुविंदएण वा पिहेहि, नो से तं । से
भिक्खू वा भिक्खुणी वा नावाए उत्तिंगेण उदयं आसवमाणं पेहाए उवरुवरि नावं कजवावेमाणिं पेहाए नो परं उवसंकमित्तु एवं बूया-आउसंतो! गाहावई एयं ते नावाए उदयं उत्तिंगेण आसवइ उवरुवरिं नावा वा कजलावेइ, एयप्पगारं मणं वा वायं वा नो पुरओ कट्ट विहरिजा, अप्पुस्सुए अबहिलेसे एगंतगएण अप्पाणं विउसेजा समाहीए, तओ० सं०, नावासंतारिमे य उदए आहारियं रीइजा, एयं खलु सया जइजासित्तिबेमि x x x x से णं परो णावा. आउ
संतो! समणा! एयं ता तुर्म छत्तगं वा जाव चम्मछेयणगं वा गिण्हाहि, एआणि तुमं विरूवरूवाणि सत्थजायाणि हाधारेहि, एयं ता तुम दारगं वा दारिगं वा पजेहि णो से तं xxxx से णं परो नावागए नावागयं वएजा-आउसंतो!
एस णं समणे नावाए भंडभारिए भवति, से णं बाहाए गहाय नावाओ उदगंसि पक्खिविजा, एयप्पगारं निग्धोसं सुच्चा निसम्म से अचीवरधारी सिया खिप्पामेव चीवराणि उबेढिज वा निवेढिज वा उप्फेसं वा करिज्जा, अह पुण एवं जाणिज्जा अभिकंतकूरकम्मा खलु बाला बाहाहिं गहाय नावाओ उदगंसि पक्खिविज्जा से पुबामेव वइजा-आउसंतो! गाहावती मा मेत्तो बाहाए गहाय नावओ उदगंसि पक्खिवह, सयं चेव णं अहं नावाओ उदगंसि ओगाहिस्सामि से णेवं वयंत परो सहसा बलसा बाहाहिंग० नावाओ उदगंसि पक्खिविजा, तं णो सुमणे सिआ, नो दुम्मणे सिआ, नो
LINw.jainelibrary.org
Jain Education in
20.2mvates Personal use only
