________________
सद्दावितो-कीस कल्लं नागतो?, तुहिको अच्छइ, जाणइ-जहा छटुं कएल्लयं, ताहे से दिण्णं, तेणवि अण्णे दो दिवसे अच्छावितो, लोगोऽवि पणतो, अण्णस्स निमंतंतस्सवि न गेण्हइ, अण्णे भणंति-एसो एगपिंडितो, तेण तं अट्ठपयं लद्धं, सत्यवाहेण भणितो-मा. अण्णस्स खणं गेण्हिजासि, जाव नगरं सम्मइ ताव अहं देमि, गया नगरं, तेण से णियघरसमीवे मढोकतो, ताहे सीसं मुंडावेइ, कासायाणि चीवराणि गेण्हइ, ताहे जद्दिवसं से पारणयं तद्दिवसं लोगो आणेइ भत्तं, एगस्स पडिच्छइ, ततो लोगो न याणइ-कस्स पडिच्छियंति, ताहे लोगेण जाणणानिमित्तं भेरी कया, जो देइ सो ताडेइ, ताहे लोगो पविसइ, एवं वच्चइ कालो, सामी समोसरितो, ताहे साहू संदिसावंताभणिया-मुहुत्तं अच्छह, अणेसणा, तमि | जिमिए भणिया-ओयरह, गोयमो भणिओ-मम वयणेणं भणिजासि-भो! अणेगपिंडिया एगपिंडितो ते दहुमिच्छइ, ताहे
गोयमसामिणा भणितो रट्ठो, तुझे अणेगाणि पिंडसयाणि आहारेह, अहं एगं पिंडं भुंजामि, अहं चेव एगपिंडितो, मुहुत्तं|तरेण उवसंतो चिंतेइ-न एए मुसं वयंति, किह होजा?, लद्धा सुती, होमि अणेगपिंडितो, जद्दिवसं मम पारणगं तद्दिवसं |अणेगाणि पिंडसयाणि करेंति, एए पुण अकयकारिअं भुंजंति, सच्चं भणंति, एवं चिंतेतेण जाईसंभरिया, पत्तेयबुद्धो जातो, हा अज्झयणं भासइ 'इंदणागेण अरहा वुत्तं' सिद्धो य, एवं वालतवेण सामाइयं लद्धं तेण ३॥
दाणेण जहा-एगाए वच्छवालीए पुत्तो, लोगेण ओसवे पायसी उवक्खडिया, तत्थासन्नघरे दारगरूवाणि पायसं जेमं
ताणि पासइ, ताहे सो मायरं बड्डेइ-ममवि पायसं रंधेहि, ताए भणिओ सो-णत्थिति, सा अद्धिईए परुण्णा, ताओ सय18|झियाओ पुच्छंति, निब्बंधे कहियं, ताहिं अणुकम्पयाए अण्णाएवि अण्णाएवि आणियं खीरं सालि तंदुला य, ताहे थेरीए
Jain Education International
For Private & Personal use only
www.jainelibrary.org
