________________
तहा भन्नइ-ते विहरंता महुरं गया, तत्थ भूयगुहावाणमंतरघरे ठिबा । इतो यसको देवराया महाविदेहे सीमंधरसामि आपुच्छइ निगोयजीवे, जाहे निगोयजीवाभगवया वागरिया ताहे भणइ-अत्थि पुणभरहे वासे कोइ निगोए एवं वागरेजा, भयवया भणियं-अत्थि अजरक्खिया, ततो सो माहणरूवेण आगतो, तं च थेररूवं करेऊण पवइएसु निग्गएमु अतिगतो, ताहे सो वंदिचा पुच्छइ-भयवं! मज्झ सरीरे महल्लो इमो वाही, अहं च भत्तं पञ्चक्खाएजा, ता जाणाह मम केत्तियं आउं होज !, जविएहिं किर भणिया आउसेढी, तत्थ उवउत्ता आयरिया, जाव पेच्छइ आउं वरिससयमहियं दो तिन्नि, ताहे चिंतेइ-भारहो एस मणूसो न भवति, विजाहरो वाणमंतरो वा, जाब दो सागरोवमाई ठिई, ताहे भुमयाओ हत्थेहि उक्खिवित्ता भणइ-सको भवान्, बादंति भणिऊण पाएसु पडितो, सबं साहइ, जहा महाविदेहे। सीमंधरसामी पुच्छितो तेहिं कहियं, ततो इहमागतो, तं इच्छामि सोर्ड निगोयजीवे, ताहे कहिया, भणइ हटतुट्ठो-द्र सणाहं भरहंति, इयाणिं वच्चामि, आयरिया भणंति-अच्छह मुहुत्तगं जाव संजया एंति, एत्ताहे दुक्कहा, संजया ते थिरा है | भवंति, जहा एत्ताहेवि देविंदा एंति, ताहे सो भणइ-जइ ते ममं पेच्छंति तेण चेव अप्पसत्तत्तण नियाणं काहिंति, तेण| वच्चामि, तो चिंधं कारं वञ्च, ताहे दिवा गंधादी परिकिष्णा, उवस्सयस्स अन्नतोहुत्तं बारं कयं, ततो गओ, ताहे आगया संजया, ते पुच्छंति-कहिं एयस्स दारं, आयरिएहिंवाहिता-इतो एह, सिटुं च जहा सक्को आगतो, ते भणतिअहो अम्हहिं न दिट्टो, कीस मुहुत्तमेत्तं न धरितो, तं चेव साहइ, जहा अप्पसत्ता मणुया नियाणं काहिंति, पाडिहेरं काउणाइगतो, एवं देविंदवंदिया। ते कयाइ विहरंता दसपुरं गया, बहुराए अकिरियावादी हितो, जहा नथि माया
Ast
--
Jain Education Interational
For Private & Personal use only
www.jainelibrary.org
