________________
धम्मं सोऊण भणइ-जं नवरं महासालं रज्जे अहिसिञ्चेमि, तओ तुज्झं पायमूले पपयामि, तेण गंतूण भणितो महासालो-राया भवसु, अहं पयामि, सो भणइ- अहंपि पचयामि, जहा तुज्झे इहं पमाण तहा पचइयस्सवि, ताहे गागली कंपिल्लपुराओ आणेउं रज्जे अहिसित्तो, तस्स माया जसमई कंपिल्लपुरे नयरे दिन्निया पिढ़रस्स रायपुत्तस्स, तेण ततो सद्दाविओ, सो पुण तेसिं दो सीवियाओ कारेइ, जाव ते पवइया, सावि तेसिं भगिणी समणोवासिया जाया, तेवि समणा संता एक्कारस अंगाई अहिजिआ, अन्नया भयवं रायगिहे समोसढो, ततो निग्गतो चंप पहावितो, ताहे सालमहासाला सामिं आपुच्छंति-अम्हे पिट्ठचंपं वच्चामो, जइ नाम कोइ तेसिं पबएज्जा सम्मत्तं वा लभेजा, सामी जाणइ-जहा ताणि संबुज्झिहिंति, ताहे तेसिं सामिणा गोयमसामी बिइजओ दिन्नो, सामी चंपं गतो, गोयमसामीवि पिट्ठचंपं गओ, तत्थ समोसरणं, गागली पिठरो जसवई य निग्गयाणि, भगवं धम्मं कहेइ, ताणि धम्मं सोऊण परमसंविग्गाणि जायाणि, गागली नियपुत्तं रज्जे अहिसिंचिऊण मायापिइसहितो पबइओ, गोयमसामी ताणि घेत्तूण चंपं वच्चइ, तेसिं सालमहासालाण पंधं वचंताणं हरिसो जातो, जहा संसाराओ एयाणि उत्तारियाणि, एवं तेसिं पत्रमाणेण सुभेणं अज्झवसाणेणं केवलनाणं समुप्पण्णं, इयरेसिंपि चिंता जाया, जहा अम्हे एएहिं रज्जे ठवियाणि, पुणरवि धम्मे ठविऊणं संसारातो मोइयाणि, एवं चिंतेंताणं सुभेणं अज्झवसाणेणं तिन्हवि केवलनाणमुप्पण्णं, एवमेयाणि उप्पन्ननाणाणि गयाणि, सामिं पयाहिणं करेऊण तित्थं नमिऊण केवलिपरिसं धावियाणि, गोयमसामीवि भयवं वंदिऊण तिकूखुत्तो
Jain Education International
For Private & Personal Use Only
www.jainelibrary.org
