________________
संलावेणत्ति १, एस परमत्थो, तं सोऊण अम्मधाई ममं भणति -पुत्ति ! सुहु ते कहियं, एयं पुण पुवभवचरियं पडिलिहिज्जर, ततोऽहं हेडावेहामि, सोय ललियंगतो जइ मणुस्सेसु आयातो होहिइ तो सचरियं दद्रूण जाई सुमरिहिइ, तेण य सह निब्बुया विसयसुहमणुभवेसु, ततो सज्जितो पडो, ततो विविह्वण्णाहिं वट्टिगाहिं दोहिवि जणीहिं पढमं तत्थ नंदिग्गामो लिहितो, ततो अंबरतिलगगिरिवरसंसिय कु सुमिया सोअतरुतलसन्निसन्ना गुरवो देवमेहुणगं च वंदणागयं | ईसाणो कप्पो सिरिप्पभं विमाणं सदेवमिहुणं महाबलो राया सयंबुद्धसंभिन्नसोयसहितो निन्नामिया य तवसोसियसरीरा सबत्थ ललियंगयसयंपभाणं नामाणि लिहियाणि, ततो निष्फन्ने पडे धाती पट्टगं गहेऊण धायइसंडदीवं वच्चामिति गयणण उप्पइया, खणेण य नियत्ता, पुच्छिया मया - कीस अम्मो ! लहुं नियत्तासि, सा भणइ पुत्ति ! सुण कारणं, इह अम्ह सामिणो तव पिऊणो वरिसवद्धावणनिमित्तं विजय वासिणो बहुगा रायाणो समागया तं जइ इहेव तव हिययदइतो होहिइ तो | लभेयेति चिंतिऊण नियत्ता, जइ पुण न होहिइ तो परिमग्गणं करेस्सामित्ति चिन्तिऊगाऽऽगया, मया भणिया - सुट्ट कयंति, ततो बीयदिवसे पडं गहाय अवरण्हे आगया, पसन्नमुही भणइ - पुत्ति ! निब्बुया होहि, दिडो मया ते ललियंगतो, पुच्छिया मया - अम्मो ! साहसु कहंति ?, सा भणति - पुत्ति ! मया रायमग्गे पसारितो पडो, तं पडं केइ आलिक्ख| कुसला आगमं पमाणं करेंता पसंसंति, जे अकुसला ते वण्णरूवाईणि पसंसंति, तत्थ दुम्मरिसण रायसुतो दुहंतो कुमारो सपरिवारो आगतो, सो मुडुत्तमेतं पासिऊण मुच्छितो पडितो, खणेण आसत्यो, मणुस्सेहिं पुच्छितो| सामि ! किं मुच्छितो १, सो भणइ - नियश्वरियं पडयलिहियं दद्दूण जाती भए सुमरिया, अहं ललियंगतो देवो.
Jain Education International
For Private & Personal Use Only
www.jainelibrary.org
