Page Text
________________
जिनलाभबरि विरचिते
आत्म
प्रबोधग्रन्थे
॥२१॥
Jain Education Intera
निवेद्य तथैव व्रतानि ग्राहयामास । तद्दिनादारभ्य च स शुद्धश्रावको बभूव । अथैकदा गोशालकस्तां वार्तां श्रुत्वा तं सद्दालपुत्रं जिनधर्माच्चालयितुं स्वधर्मे चानयितुमाजी विकसंघपरिवृतस्तन्नगरे आजीविक सभायामागत्य स्वभांडादिकं निक्षिप्य कियद्भिराजीविकैः सह सद्दालपुत्रसमीपमागतः । तदा स श्राद्धस्तमागच्छतं दृष्ट्वा आदरसत्कारादिकमकुर्वाणस्तूष्णीकस्तस्थौ । ततः स गोशालकस्तेनानाद्रियमाणः सन् पीठफलकाद्यर्थं तस्याग्रे श्रीवीरस्वामिनो गुणोत्कीर्त्तनं करोति स्म - भो देवानुप्रिय ! इह महामाहना महागोपा महासार्थवाहा महाधर्मकका महानिर्या मकाः समागता आसन् १' । सद्दालपुत्रेणोक्तं-' भो देवानुप्रिय ! एतादृशाः के १' । गोशालेनोक्तं- ' श्रीमंतः श्रमणा भगवंतो महावीरस्वामिनः' । पुनः श्राद्धेनोक्तं- 'ते कथमेतादृशोपमाधारकाः १' । तदा गोशालेनोचे - "भोः सद्दालपुत्र ! श्रीमहावीरस्वामिनोऽनंतज्ञानादिधारकत्वेन चतुःषष्टिसुरेंद्रः पूजितत्वान्महामाहना उच्यते । तथा भवाटव्यां त्रासं प्राप्नुवतो बहून् जीवान् धर्ममयेन दंडेन सम्यक रक्षतो निर्वाणमहावाटकं च प्रापयंतः संतो महागोपा उच्यते । तथा संसारादव्यामुन्मार्गपतितानां जीवानां मुक्तिपत्तनप्रापकत्वान्महासार्थवाहा उच्यते । तथा सन्मार्गाद्रष्टानां जीवानां बहुभिरर्थहेतुप्रभृतिभिः सन्मार्गमानीय संसारतो निस्तारकत्वान्महाधर्मकथका उच्यते । तथा संसारसमुद्रे निमज्जतां जंतूनां धर्ममय्या नावा निर्वाणतीराभिमुखीकरणान्महानिर्यामका उच्यते | इति । ततः स सद्दालपुत्रो गोशालं प्रत्युवाच - ' भो देवानुप्रिय ! ईदृग् निपुणः ईदृग्नयवादी ईग्विज्ञानवान् भवान् मम धर्माचार्येण वीरस्वामिनां सह विवादं कर्त्तुं समर्थों भवति १' । तेनोक्तं- 'न भवामि ' । श्राद्धेनोक्तं- 'तत्कथं १' ।
For Private & Personal Use Only
द्वितीय प्रकाशे
देशविरति
खरूपं
॥२१६॥
www.jainelibrary.org
| SR No. | 600042 |
| Book Title | Atmaprabodh |
| Original Sutra Author | Jinlabhsuri, Buddhisagar |
| Author | |
| Publisher | Jindattsuri Gyanbhandar |
| Publication Year | |
| Total Pages | 362 |
| Language | Sanskrit |
| Classification | Manuscript |
| File Size | 20 MB |