Prabuddha Jivan 1999 Year 10 Ank 01 to 12 - Ank 07 is not available

SR No.: 525984
Original Sutra Author: N/A
Author: Ramanlal C Shah
Publisher: Mumbai Jain Yuvak Sangh
Publication Year: 1999
Total Pages: 116
Language: Gujarati
Classification: Magazine, India_Prabuddha Jivan, & India
File Size: 10 MB

Page 15

તા. ૧૬-૨-૯૯ અને તા. ૧૬-૩-૯૯
પ્રભુ જીવન
લોકસ્વાસ્થ્ય મંડળને આર્થિક સહાયનો કાર્યક્રમ
D નિરુબહેન એસ. શાહ
શ્રી મુંબઇ જૈન યુવક સંઘ તરફથી પ્રતિવર્ષ પર્યુષણ વ્યાખ્યાનમાળા દરમ્યાન કોઇપણ એક સંસ્થાને આર્થિક સહાય કરવા માટે શ્રોતાઓને અરજ કરવામાં આવે છે. ગામડાંઓમાં સેવાકાર્ય કરતી કોઇક સંસ્થાને સહાય ક૨વાનો પ્રોજેક્ટ છેલ્લાં દસ વર્ષથી પર્યુષણ પર્વ દરમ્યાન નિયમિતપણે હાથ ધરવામાં આવે છે અને અમને જણાવતાં અત્યંત આનંદ થાય છે કે અમારી આ યોજના માટે શ્રોતાઓ તરફથી ઘણો સારો પ્રતિસાદ સાંપડતો રહ્યો છે.
૧૯૯૮ના પર્યુષણ પર્વ દરમ્યાન અમે ગુજરાતમાં પંચમહાલ જિલ્લાના આદિવાસી વિસ્તારોમાં તબીબી સેવા અને લોકશિક્ષણનું કાર્ય કરતી શિવરાજપુરની સંસ્થા ‘લોકસ્વાસ્થ્ય મંડળ’ (Trust for Reaching the Unreached)ને આર્થિક સહાય કરવાનું ઠરાવ્યું હતું. એ માટે સંઘની પ્રણાલિકા અનુસાર અમે કેટલાક હોદ્દેદારો અને સમિતિના સભ્યોએ આ સંસ્થાની મુલાકાત લીધી હતી અને શિવરાજપુર અને આસપાસ આદિવાસી વિસ્તારોમાં સંસ્થાની ચાલતી સેવાની પ્રવૃત્તિઓ નજરે નિહાળી હતી અને એથી અમને સંતોષ થયો હતો. સંસ્થાના મુખ્ય કાર્યકર્તાઓ ડૉ. અશ્વિનભાઇ પટેલ અને શ્રી નિમિત્તાબેન ભટ્ટે અમને સંસ્થાની વિવિધ પ્રકારની કામગીરીથી માહિતગાર કર્યા હતા.
પર્યુષણ પર્વ દરમ્યાન શિવરાજપુરની સંસ્થા લોકસ્વાસ્થ્ય મંડળને આર્થિક સહાય કરવા માટે અરજ કરવામાં આવી હતી. આ પ્રસંગે નિમિત્તાબેન ભટ્ટે પણ પોતાની સંસ્થાના સેવાકાર્યનો પરિચય કરાવ્યો હતો. અને પ્રાસંગિક ઉદ્બોધન કર્યું હતું. અમને જણાવતાં અત્યંત હર્ષ થાય છે કે પર્યુષણના આઠ દિવસ દરમિયાન લોકસ્વાસ્થ્ય મંડળ માટે રૂપિયા દસ લાખ પંચોતેર હજારની રકમ દાતાઓ તરફથી લખાવવામાં આવી હતી. શ્રી મુંબઇ જૈન યુવક સંઘને આ રીતે દાતાઓ તરફથી અગાઉના વરસોની જેમ આ વરસે પણ ઘણો જ સારો સહકાર સાંપડ્યો હતો.
આ રીતે એકત્ર થયેલી રકમ લોકસ્વાસ્થ્ય મંડળને અર્પણ કરવાનો કાર્યક્રમ રવિવાર તા. ૧૦મી જાન્યુઆરી ૧૯૯૯ના રોજ શિવરાજપુર મુકામે ચિખોદરાના ડૉ. રમણીકલાલ દોશીના પ્રમુખપદે યોજવામાં આવ્યો હતો. મુંબઇથી લગભગ ત્રીસેક સભ્યો શનિવાર તા. ૯મી જાન્યુઆરી રાત્રે ટ્રેનમાં નીકળી રવિવાર તા. ૧૦મીએ વડોદરા સ્ટેશને પહોંચ્યા હતા. સ્ટેશન ૫૨ નિમિત્તાબેન ભટ્ટ, ડૉ. અશ્વિનભાઇ પટેલ વગેરેએ અમારું સ્વાગત કર્યું હતું.
સંઘના આજીવન સભ્ય અને એક સક્રિય કાર્યકર્તા શ્રી પ્રવીણભાઇ મંગળદાસ ટોપીવાલાનું થોડા સમય પહેલાં ૮૪ વર્ષની ઉંમરે અવસાન થતાં સંઘે પોતાના એક સંન્નિષ્ઠ સેવાભાવી કાર્યકરને ગુમાવ્યા છે.
સ્વ. પ્રવીણભાઇ મંગળદાસ ] રમણલાલ ચી. શાહ
આજીવન ખાદીધારી પ્રવીણભાઇ યુવાન વયે સંઘમાં જોડાયા હતા અને આરંભથી જ સક્રિય બન્યા હતા. તેથી તેઓ કાર્યવાહક સમિતિના સભ્યપદે પણ ચૂંટાયા હતા. આ રીતે સળંગ ચાર દાયકાથી વધુ સમય સુધી તેઓ સંઘની કાર્યવાહક સમિતિના સભ્ય તરીકે સેવા આપતા રહ્યા હતા. સ્વ. પ્રવીણભાઇને ગુજરાતી, અંગ્રેજી સાહિત્યના વાંચનનો સારો શોખ હતો, એટલું જ નહિ ગ્રંથવિક્રેતાઓને ત્યાં જઇને પોતે પ્રકાશિત થયેલા નવા નવા ગ્રંથો ખરીદીને વસાવતા. આ રીતે તેમની અંગત લાયબ્રેરી ઘણી સમૃદ્ધ હતી. પ્રવીણભાઇનો વ્યવસાય રૂનો વ્યાપાર કરતી એક કંપનીમાં મેનેજર તરીકે કામ કરવાનો હતો. પરંતુ તેઓ સાહિત્યના વિષયમાં પણ એટલો જ રસ ધરાવતા હતા અને ગુજરાતી તથા અંગ્રેજીમાં પ્રગટ થતાં પુસ્તકો તેઓ પોતાના સ્વાધ્યાય માટે વસાવતા અને મિત્રોને, અધ્યાપકોને વાંચવા માટે આપતા. શ્રી મુંબઇ જૈન યુવક સંઘ હસ્તક ચાલતાં મણિલાલ મોકમચંદ શાહ વાંચનાલય અને ગ્રંથાલયના મંત્રી તરીકે તેમણે ઘણા વરસો સુધી સેવા બજાવી હતી.
૧૯૮૩માં સંઘ દ્વારા હાડકાંના દરદીઓ માટે ડૉ. જમશેદ પીઠાવાલાની સેવાનો લાભ લઇ અસ્થિ સારવાર કેન્દ્રની સ્થાપના કરવામાં આવી ત્યારે એના સંયોજક અને નિરીક્ષક તરીકે પ્રવીણભાઇએ લાગલગાટ આઠ વરસો સુધી સેવા આપી હતી અને વર્ષના પ્રત્યેક રવિવારે તેઓ સવારે નવથી એક વાગ્યા સુધી નિયમિતપણે કાર્યાલયમાં અચૂક હાજર રહેતા. આમ સ્વ. પ્રવીણભાઇએ સંઘની વિવિધ પ્રવૃત્તિઓમાં સક્રિય યોગદાન આપ્યું છે.
૭
વડોદરામાં સ્નાનાદિ તથા ચા-નાસ્તાની વ્યવસ્થા કરવામાં આવી હતી અને તે પછી બસ દ્વારા અમે સૌ રસ્તામાં વચ્ચે આવતાં પાવાગઢ તીર્થના નૂતન જિન મંદિરમાં દર્શન કરી શિવરાજપુર પહોંચ્યાં હતાં. ત્યાં પણ અમારા માટે અલ્પાહારની વ્યવસ્થા રાખવામાં આવી હતી. શિવરાજપુરના લોક– સ્વાસ્થ્ય મંડળ તરફથી નવી બાંધવામાં આવેલી હૉસ્પિટલની અમે મુલાકાત લીધી હતી. અને ત્યાર પછી ત્યાં નિધિ અર્પણનો કાર્યક્રમ યોજવામાં આવ્યો હતો. આ પ્રસંગે ડૉ. રમણીકલાલ દોશી, સંઘના ભૂતપૂર્વ પ્રમુખ ડૉ. રમણલાલ ચી. શાહ, પ્રમુખ શ્રી રસિકલાલ લહેરચંદ શાહ, ઉપપ્રમુખ શ્રી ચંદ્રકાંતભાઇ શાહ તથા વડોદરા અને શિવરાજપુરના ડૉક્ટરો, સરપંચ તથા અન્ય કાર્યકર્તાઓએ પ્રાસંગિક વક્તવ્યો રજૂ કર્યાં હતાં. આ સમગ્ર કાર્યક્રમનું સફળ સંચાલન શ્રી નિમિત્તાબેન ભટ્ટે કર્યું હતું. આ કાર્યક્રમની વિશિષ્ટતા એ હતી કે જુદા જુદા વિસ્તારના કેટલાંક આદિવાસી ભાઇબહેનોને બોલવા માટે નિમિત્તાબેને તૈયાર કર્યાં હતાં અને તેઓ દરેકે ટૂંકું મુદ્દાસર અને સચોટ વક્તવ્ય રજૂ કર્યું હતું.
આ પ્રસંગે શ્રી મુંબઇ જૈન યુવક સંઘ તરફથી રૂપિયા દસ લાખ પંચોતેર હજારનો ચેક ડૉ. દોશીકાકાના હસ્તે લોકસ્વાસ્થ્ય મંડળને અર્પણ કરવામાં આવ્યો હતો.
આ પ્રસંગે સંઘ ત૨ફથી શ્રી ભૂપેન્દ્રભાઇ ઝવેરી (ખજાનચી), સહમંત્રી શ્રી વર્ષાબેન રાજુભાઇ શાહ તથા કાર્યવાહક સમિતિના સભ્યો શ્રી ઉષાબેન શાહ, શ્રી રમાબેન મહેતા, શ્રી રમાબેન વોરા, શ્રી કુસુમબેન ભાઉં, શ્રી નટુભાઇ પટેલ, શ્રી મીનાબેન શાહ, શ્રી પુષ્પાબેન અને ચંદ્રકાંત પરીખ, તથા અન્ય સભ્યોએ પણ ઉપસ્થિત રહીને કાર્યક્રમને શોભાવ્યો હતો.
ભોજન બાદ અમે આસપાસના આદિવાસી વિસ્તારોની સમયની અનુકૂળતા પ્રમાણે મુલાકાત લીધી હતી અને પાછા ફરતાં શ્રી અનુબેન ઠક્કરના મુનિસેવા આશ્રમની મુલાકાત પણ લીધી હતી. શ્રી અનુબેન ઠક્કરે અમારા સૌનું હર્ષોલ્લાસપૂર્વક સ્વાગત કર્યું હતું. એમના આશ્રમની ચાલતી જુદી જુદી પ્રવૃત્તિઓ અમે નજરે નિહાળી હતી. આશ્રમમાં ભોજન બાદ કેટલાંક ભક્તિ-ગીતો ગાઇને અમે વડોદરા સ્ટેશન ત૨ફ પ્રયાણ કર્યું હતું. વડોદરાથી રાત્રે ટ્રેન પકડી બીજે દિવસે સવારે અમે સૌ મુંબઇ પાછા ફર્યાં હતાં.
પ્રવીણભાઇને સંગીતનો પણ એટલો જ ઊંડો રસ હતો. ભારતીય અને પાશ્ચાત્ય શાસ્ત્રીય સંગીતના કાર્યક્રમમાં તેઓ ઘણીવાર ઉપસ્થિત રહેતા અને સંગીતની સૂક્ષ્મ સમજ ધરાવતા. ભારતીય અને પાશ્ચાત્ય સંગીતની અનેક કેસેટ અને રેકૉર્ડ તેમણે પોતાના ઘરે વસાવેલી હતી. પોતે નવરા પડે ત્યારે સંગીતનું શ્રવણ કરવું એ એમની મનગમતી પ્રવૃત્તિ હતી.
ગાંધીજીના પ્રભાવ નીચે ઉછરેલા પ્રવીણભાઇએ High Thinking and Plain Livingનો મંત્ર પોતાના જીવનમાં અપનાવ્યો હતો. ખાદીનું પહેરણ, ધોતિયું અને ટોપી એ એમનો સાદો પહેરવેશ જીવનપર્યંત રહ્યો હતો. તેઓ એક અધ્યાપક જેટલી જાણકારી સાહિત્ય અને સંગીતના વિષયમાં ધરાવતા હતા. તેઓ ધર્મ અને રાજકારણના વિષયમાં પણ એટલો જ રસ લેતા. તેઓ બુદ્ધિવાદી અને નિખાલસ સ્વભાવના હતા.
સંજોગવશાત્ તળ મુંબઇમાં સંઘના કાર્યાલયની નજીકમાં આવેલું ઘર છોડીને દૂર પરામાં તેમને છેલ્લાં કેટલાંક વરસથી રહેવા જવું પડ્યું હતું અને તેથી સંઘની સમિતિમાંથી તેઓ નિવૃત્ત થયા હતા. તેમ છતાં સંઘ સાથેનો આત્મીય સંબંધ તેમણે જીવનના અંત સુધી જાળવી રાખ્યો હતો.
છેલ્લા કેટલાક વરસથી પ્રવીણભાઇની તબિયત અસ્વસ્થ રહેતી હતી. પોતાનો અંતકાળ નજીક આવી રહ્યો છે તેવું તેમને સ્પષ્ટ સમજાઇ ગયું હતું અને એ વાત એમણે પોતાનાં પત્ની ચંદ્રકળાબેન તથા બન્ને પુત્રીઓ મીરા તથા દક્ષાને કહી રાખી હતી.
સ્વ. પ્રવીણભાઇના અવસાનથી સંઘને એક ઉમદા કાર્યકર્તાની અને અંગત રીતે મને એક પરમ મિત્રની ખોટ પડી છે. પ્રભુ સદગત્ના આત્માને શાંતિ અર્પી !