Prabuddha Jivan 1962 Year 23 Ank 17 to 24 and Year 24 Ank 01 to 16

SR No.: 525947
Original Sutra Author: N/A
Author: Parmanand Kunvarji Kapadia
Publisher: Mumbai Jain Yuvak Sangh
Publication Year: 1962
Total Pages: 252
Language: Gujarati
Classification: Magazine, India_Prabuddha Jivan, & India
File Size: 22 MB

Page 179

પ્રભુ જીવન
તા. ૧૬-૯-૬૨
કેટલીક વિગતો બહાર આવી છે અને કેટલાક શસ્રો અંગેની વિગત તા હજુ ગુપ્ત જ રહેલી છે. આ શસ્ત્રોની ગુપ્તતા જાળવી રાખવા માટે વૈજ્ઞાનિકોને કેદી જેવી સ્થિતિમાં રાખવામાં આવે છે. તેમને બહાર જવા દેવામાં આવતા નથી. આમ છતાં કોઈ કોઈ માહિતી બહાર આવી જાય છે તે પરથી માલુમ પડે છે કે, મહાન દેશે। માત્ર મેગેટન બોંબ તૈયાર કરી અટકયા નથી, મેગેટન બેબ ઉપરાંત તેઓએ કેમીકલ વારફર ક્ષેત્રે ઝેરી વાયુ પેદા કર્યો છે, બાયાલાજીલ વાર ફેર ક્ષેત્રે ઝેરી જંતુઓ પેદા કર્યા છે. આ ઉપરાંત પણ બીજા ભયાનક શસ્રો પેદા થયા છે. એવા શસ્રો છે જે ફેકવા માટે કોઈ માણસને જવું પડતું નથી, પરંતુ તે સ્વયંસંચાલિત શસ્ત્રો છે. તે ધારેલા સ્થળે કલાકના ૧૫,૦૦૦ માઇલની ગતિથી મોકલી શકાય છે. આ શસ્ત્રની અણી ઉપર અણુબોંબ રાખી શકાય છે અને ધારેલે સ્થળ ફેકી શકાય છે. માસ્કોથી ન્યૂયોર્ક જતાં આ શસ્ત્રને માત્ર ૨૦ મિનિટ લાગે છે. આ ઉપરાંત પૃથ્વીની પ્રદિક્ષણા કરી શકે તેવા રોકેટોનો ઉપયોગ પણ અણુબોંબ માટે થવાની પૂરી શકયતા છે. તે વડે તો જયાં બાંબ ફેંકવા હોય ત્યાં ફેંકી શકાય છે. વળી ઝડપી સબમરીનો બાંબવાહક બની છે અને ઘણી જ ઝડપી ગતિએ અજાણપણે કોઇ પણ દેશમાં પહોંચી બીંબ ફેંકી શકે છે. ૧૦,૦૦૦ મેગેટન બોંબને અમેરિકા પર ફેંકવામાં આવે તો ૯૫ ટકા અમેરિકન વસ્તી નાશ પામે તેવી વિનાશક શકિત આ બોંબની છે. આ બોંબમાંથી રેડીઓ - એકટીવ રજકણા નીકળે તે ૧૦,૦૦૦ માઇલના ફરતા વિસ્તારમાં વિનાશક અસર કરે છે. તે રેડીઓએકટીવ રજકણાની બે પ્રકારે અસર થાય છે; એક તા તાત્કાલિક અસર અને બીજી ધીમી અસર.. આ રજકણાની અસરથી ચામડી પર દાહ થવા લાગે છે તે તેની તાત્કાલિક અસર છે અને તેની ધીમી અસર ૫-૧૦-૧૫-૨૦-૨૫ વર્ષે થાય છે. આ રજકણા શરીરમાં દાખલ થાય છે અને ધીમે ધીમે માંસ, મજજા લાહી વગેરેમાં પ્રવેશે છે અને ઝેરી અસર પહોંચાડે છે. આ અસર લાખો કરોડો માણસાને થાય. તેના પરિણામે ભવિષ્યની પ્રજા વિકૃત થાય. આ વિકૃતિ કેવા પ્રકારની થશે તે કહેવું મુશ્કેલ છે. પણ ભાવિ પ્રજામાં આંધળાપણ્, બહેરાપણું, અવયવોની વિકૃતિ થાય તેવા સંભવ છે, કિરણાત્સર્ગી રજકણા હવા, વાયુ ધરતી, અન્ન, શાકભાજી, ફળા દરેકને દૂષિત કરે છે અને તે શરીર
માં જતાં લાંબા ગાળે કેન્સર વિગેરે દર્દો પેદા કરે છે. આવાં રજકણો સારી દુનિયા ઉપર પડેછે. અવકાશમાં આણુપ્રયોગો થાય છે તેના રજકણા વાયુમાં ખેંચાઈ, દુનિયાના બધા દેશાને નુકસાન
પહોંચાડે છે.
અત્યારે જે પ્રયોગા થાય છેતેની વિનાશક અસર દેખાવા લાગી છે. તેને પરિણામે વિકૃત બાળકો ઉત્પન્ન થાય છે; બેબની રેડીઓએકટીવ રજકણની અસરનો ખ્યાલ ૧૯૫૪ માં અમેરિકાએ પ્રયોગ કર્યો ત્યારે આવ્યો, આ પ્રયોગા નિર્જન વસ્તીમાં થાય છે તેમ કહેવાય છે, પરંતુ તેનાં રજકણા તે। દૂર દૂર સુધી પહોંચે છે. ૧૯૫૪ માં થયેલ પ્રયોગનાં રજકણા ૮૦ માઈલ દૂર જાપાનના એક કિનારા પર બાટ પર કામ કરતા માછીમારો પર પડયાં. તેમને ઉલટી ઝાડા થયા અને કોલેરા લાગુ પડયો. આમ થવાના કારણની તપાસ કરતાં માલુમ પડયું કે કિરણાત્સર્ગી રજકણાની અસરથી આમ બનવા પામ્યું હતું. જે દિશામાં પવન હોય તે બાજુ આ રજકા ઉડે છે. અને જયારે પવન શાંત થાય ત્યારે જમીન પર ઉતરે છે.; એટલે રેડીઓએકટીવ રજકણાની અસરથી યુદ્ધમાં નહિ માનનાર કે યુદ્ધમાં નહિ લડનાર શાંતિપ્રિય દેશ પણ બાકાત રહી શકે તેમ નથી.
જૈન સાહિત્યમાં બે પ્રકારના કાળ કહ્યા છે: એક ઉત્સર્પિણી કાળ અને બીજો અવસર્પિણી કાળ. એક કાળ ચડતો છે અને
૯૩
બીજો કાળ ઉતરતા છે. અત્યારે ઉતરતા કાળના પાંચમા આરો
જૈન માન્યતા મુજબ ચાલી રહ્યો છે. પાંચમા આરા બાદ છઠ્ઠાઆરાનું વર્ણન અપાયેલ છે. તેનો ચિતાર આપણી પાસે અત્યારથી જ ખડો થઈ રહ્યો છે. આ આરામાં માણસ વૅતીયા થશે, ખાડા ખાદીને રહેશે, ખેતી કરશે નહિ, કોંદમૂળ ખાશે અને જીવન ગુજારશે. બાઇબલમાં પણ મોટા પ્રલયનું આવા પ્રકારનું વર્ણન આવે છે. શાસ્ત્રની આ વાત બુદ્ધિવાદી કે તર્કવાદી માનવ માનવા તૈયાર નહિ થાય, પણ આજે વિજ્ઞાન આ કથનને પુરવાર કરી રહ્યું છે અને રેડીઓએકટીવ રજકણ માણસજાત પર તેવી જ અસર કરશે તેમ બતાવે છે.
આવાં શસ્ત્રોના સમર્થનની દલીલો
આ બધા શસ્રોની આટલી ભયાનક અસર છે અને દુનિયાન કોઇ પણ દેશ તેની અસરથી અલિપ્ત રહી શકે તેમ નથી, છતાં આવાં શસ્ત્રો શા માટે ઉત્પન થઇ રહ્યાં છે? એ પ્રશ્ન સ્વાભાવિક થશે. આ શસ્ત્રોના વિરોધ સર્વત્ર થઈ રહ્યો છે. સમર્થ વૈજ્ઞાનિકોએ વાર વાર નિવેદન બહાર પાડી આ શસ્ત્રોના ઉપયોગ નહિ કરવાની પોકારી પોકારીને વિનંતિ કરી હતી. નોબલ પ્રાઈઝ વિજેતા વૈજ્ઞાનિકોએ આ અંગે એક હીલચાલ શરૂ કરી છે અને તેની કોન્ફરન્સ આવતી કાલે જ લંડનમાં છે. આ પ્રખ્યાત વૈજ્ઞાનિકોની વાત કેમ ધ્યાનમાં લેવાતી નથી તે પ્રશ્ન પણ આપણને થશે. ‘નેશનલ સીકયોરીટી' (દેશનું રક્ષણ) માટે આ બધી સંહારક શસ્ત્રોની હરીફાઈ થઇ રહી છે. પોતાની જીવનદૃષ્ટિ અને ધોરણ ટકાવી રાખવા માટે આ બધું થાય છે તેમ કહેવાય છે. પશ્ચિમના દેશે સ્વતંત્ર અને લોકશાહી જીવન ટકાવી રાખવા માટે આ બધું થઈ રહ્યાની દલીલો કરે છે, જયારે સામ્યવાદી દેશે। મૂડીવાદથી બચવા અને આર્થિક સમાનતા લાવવા આ તૈયારી કરે છે તેમ કહે છે. પણ જે શસ્રો વડે માનવજાતનો વિનાશ થતો હોય ત્યાં કોનું અસ્તિત્વ રહી શકશે ? આવી સીધી વાત આગેવાનોને ગળે ઉતરતી નથી અને આ દોડધામ વધતી જ જાય છે, કારણ કે એક
બીજાના અવિશ્વાસ અને ભય એટલા વ્યાપક છે કે એવા વાતાવરણને ભેદી સ્પષ્ટ માર્ગદર્શન મળતું નથી. આજે અમેરિકા અને રશિયા પાસે આ શસ્ત્રો છે, ઈ ંગ્લાંડ અને ફ્રાન્સ તૈયાર કરે છે. બીજા દેશો તૈયાર કરશે. ભારતે અસ્પૃશકિતના શાંતિમય ઉપયોગ કરવાની પોતાની નીતિ જાહેર કરી છે. આ નીતિ નહેરુની હાજરી છે ત્યાં સુધી તો કદાચ રહેશે, પણ ભવિષ્યની બાંહેધરી કોણ આપી શકે તેમ છે? આ રેઇસ - આ દોડધામ - ચાલુ જ રહેશે અને તેના પર કાબૂ મૂકવામાં નહિ આવે તો તેનું પરિણામ કેવું આવશે તે કલ્પના જ ભયંકર છે.
વિનાશ અટકાવવાના સૂચિત ઉપાયો
આ દોડધામ કેમ અટકે? તેના કાંઈ ઉપાય છે કે નહિ? તે પ્રશ્ન અંગે પણ વિચારણા થઈ રહી છે અને કેટલાક ઉપાયો સૂચવાઈ રહ્યા છે તે ટૂંકામાં કહું છું. આજે ભૌગેાલિક દષ્ટિએ દુનિયા એક થઈ છે, આજે જયારે કલાકના ૧૫,૦૦૦ માઈલની ઝડપે પ્રવાસ કરી શકાય છે ત્યારે દુનિયા ઘણી નાની બની જવા પામી છે. ભૌગોલિક દષ્ટિએ દુનિયા એક થવા પામી છે, તેવી રીતે દુનિયાભરમાં એક જ રાજય World - Government હોય તો આ બધા સંહારક શસ્રો પર કાબૂ આવી શકે. સંહારક શસ્ત્રોની હરીફાઈ અટકાવવાના આ એક ઉપાય સૂચવાયેલ છે. Geographical unity demands political unity. પણ કોઈ રાજય પોતાની સાર્વભૌમ સત્તા છેડવા તૈયાર થશે ખરૂ?
બીજો ઉપાય એ સૂચવાયેલ છે કે, યુનાને મજબૂત બનાવવી અને બધાં અણુશસ્રો તેને સોંપી દેવા. આ સૂચનમાં એ ભય