________________
अपभ्रंश भारती 21
कालावली की जयमाल
1. जहिं होहम्मि भवे भवे। तहि देहम्मि णवे णवे।
दुक्ख लक्ख णिण्णासणे। भंति जिणसासणे छ।।1।।
अवरु णिरंतरु उज्झिय गव्वें। इय मग्गेव्वउ मणुएं भव्वें।।2।। चित्तु धुत्त सिद्धंत परम्मुहुं। भवि होउ जिणागमे सम्मुहं।।3।। पंचिंदिय पडिभड वलु भज्जउ। भवि विमलु बुद्धि उप्पज्जउ।।4।। विसय-कसाय राय परिचत्तउ। भवे भवि होउ तिगुत्ति पयत्तउ।।।।।
आसापासणि वंधणु तुट्टउ। भवे भवि मोहजालर्ड हट्ट।।6।।
संजयसहु संग सोहि य मले। भवे भवि जम्मु होउ सावयकुले।।7।। रइ य मूढहो संवोहण मारा। भवे भवि रिसि गुरु होंतु भडारा॥8॥ दीणि करुण उप्पेक्ख दयंतए। भवि भवि रइ वुड्डउ गुणवंतए।।७।।
वय-जोग्गउ सरीरु उप्पज्जउ। भवि भवे तव-सिहि-तावें छिज्जउ॥10॥
धणु परियणु पुरु घरु मा ढुक्कउ। भवे भवे उरि उवसम सिरि थक्कउ।।11।
ण रमउं णारि-रूवे हियउल्लउ। भवि भवि होउ णिरहु णीसल्लउ।।12।।
उसारिय दहपंच पमाएं। भवे भवि दियहं जंतु सज्झाएं।।13।।
