Page Text
________________
एवं सुहासरिसं चंदरायकेवलिदेसणं निसमित्ता बहवो भव्वजीवा वयनियमग्गहणेण नियजीविअं सहलीकुणेइरे । तओ जंगमतित्थसरूवो सिरिचंदकेवली पुढविं पवित्तयंतो बाल-मज्झिमुत्तमाइपाणिणो जहारिहं उवदिसंतो कइह अगम्माऽगोअरभावे पयासंतो कमेण विहरंतो सिद्धायलतित्थक्खित्तं समागओ। 'जं इमं पवित्ततित्थं पुरा वि तस्स नरत्तणलाहम्मि परमुवयारकारणं होत्था, पुणो वि नाणेण विण्णायं - जं एवं तित्थं पज्जंतम्मि मम सिद्धपयदायगं भविस्सइ, इह अणंताणंतमुणिवरा सिद्धिपयं पत्ता, अस्स गिरिरायस्स सुमरणमेत्तेण पाणीणं सव्वकम्मविणासो जायइ'त्ति वियाणंतो सो तम्मि चेव महातित्थम्मि मासिगिं संलेहणं कासी । सो चंदरायमहारिसी एगं वरिससहस्सं पव्वज्जापज्जायं पालिऊण वरिसाणं तीससहस्साई सव्वाउसं भोत्तूणं पज्जते जोगनिरोहं काऊणं चउद्दसमे अजोगिगुणट्ठाणम्मि पंचहस्सक्खरुच्चारसमयप्पमाणं ठाऊणं तइया वेयणिज्जा-ऽऽउस-नाम-गोत्ताणं चउण्हं अघाइकम्माणं पि सव्वहा खयं किच्चा अणंतवीरिअ-अखेयत्तणाऽइंदियत्तणऽक्खयत्तणं च लभ्रूणं इक्कसमयमेत्तेण उड्डगमणं काऊणं सिद्धिपयं पावित्था । सव्वट्ठसिद्धविमाणस्स उवरि दुवालसहिं जोयणेहिं गएहिं उत्ताणच्छत्तसंठाणसंठिया ईसिपब्भारनामा पुढवी वट्टेइ, सा पणयालीसलक्खजोयणायामवित्थरा परिरएण य साहिगतिगुणा विज्जइ। तीए उवरिं जोयणे लोयंतो अत्थि, तत्थ जोयणस्स उवरिमो जो कोसो तस्स कोसस्स छट्ठभाए सिद्धाणं
ओगाहणा जीवपएसनिप्पसंठाणा हवेइ, तत्थ जाइजरामरणविप्पमुक्को अवेयकम्मकलंको पणट्ठवाबाहो केवलनाणदंसणो निरुवमसुहसंगओ सव्वहा कयकिच्चो साइ-अपज्जवसिओ अक्खयाणंदसरूवो सो जाओ । वुत्तं च -
अलोए पडिहया सिद्धा, लोयग्गे य पइट्ठिया । इहं बुदि चइत्ताण, तत्थ गंतूण सिज्झइ ॥ ईसिं पब्भाराए, सीयाए जोयणम्मि य लोगंतो ।
बारसहि जोयणेहिं, सिद्धी सव्वट्ठसिद्धाओ ॥ सिद्धसिलासरूवं -
निम्मल-दगरयवण्णा, तुसार-गोखीर-हारसरिवण्णा । उत्ताणय-छत्तयसंठिया उ भणिया जिणवरेहिं ॥ बहुमज्झदेसभागे, अद्वेव जोयणाइँ बाहल्लं । चरिमंतेसु य तणुई, अंगुल-संखिज्जई भागं ॥ ईसीपब्भाराए, उवरि खलु जोयणस्स जो कोसो ।
कोसस्स य छब्भागे, सिद्धाणोगाहणा भणिया ॥ अह सुमइ-सिवकुमारसाहवो गुणावली-पेमलालच्छी-साहुणीओ वि य कमेण अट्ठकम्माइं खविऊण सिद्धिपयं पत्ता । सिवमालापमुहअज्जापरिवारो सव्वट्ठसिद्धविमाणं गच्छित्था, तओ चवित्ता महाविदेहम्मि
६१
| SR No. | 521042 |
| Book Title | Nandanvan Kalpataru 2019 06 SrNo 42 |
| Original Sutra Author | N/A |
| Author | Kirtitrai |
| Publisher | Jain Granth Prakashan Samiti |
| Publication Year | 2019 |
| Total Pages | 136 |
| Language | Sanskrit, Prakrit |
| Classification | Magazine, India_Nandanvan Kalpataru, & India |
| File Size | 10 MB |