________________
प्राकृतविभागः
पाइयविश्नाणकहा
- आ.विजयकस्तूरसूरीश्वराः
विओ ।
(१) सामाइयम्मि वुड्ढाए कहा सुवण्णलक्खदाणाओ, सामइयम्मि भावओ ।
फलं अईव नायव्वं, वुड्डा एत्थ नियंसणं ॥ एगम्मि नयरमम्मि एगो धणड्डो दाणी सेट्ठिवरो आसि । 'दाणेण भोगा लहिज्जंति' इअ गुरुवयणसवणेण सो सेट्ठी पइदिणं पत्तापत्तगवेसणं अकिच्चा पभायसमयम्मि लक्खसुवण्णस्स दाणं दाऊणं पच्छा गिहकम्माइं कुणेइ । अण्णं च, तस्स गिहसमीवम्मि एगा वुड्ढा नारी वसइ, सा वि सइ पच्चूसम्मि नमुक्कारमहामंतसुमरणपुव्वयं सामाइअं काऊणं पच्छा गेहकिच्चाई समायरेइ । एगया केणावि कारणेण सेट्ठिणो दाणम्मि, वुड्ढाए अ सामाइयम्मि अंतराओ जाओ । तेण दुण्हं पि विसाओ संजाओ । थेरीए विसायं नच्चा सो सेट्ठी गव्वेण साहेइ – 'हे वुड्ढे ! तुं किं झूरेसि ? जइ वत्थंचलेण हत्थाईणं पमज्जणं न जायं तत्तो तुव किं विगयं ? तत्थ किं पुण्णं सिया ? तुव सामाइयकम्मम्मि कोवि दव्वव्वयो न दिट्ठो, जइ एअप्पयारेण धम्मो सिया तइया सव्वे वि सइ तं चेव कुणेज्जा, न कोवि लक्खसुवण्णस्स दाणं कुज्जा' । एवं सोच्चा सा थेरी वएइ – 'मा एरिसं वयाहि' जइ सुवण्णमणिमइयसोवाणजुअं जिणपासायं करावेज्जा, तत्तो वि सामाइयम्मि अहियं फलं जिणिदेहिं वुत्तं' । जओ -
दिवसे दिवसे लक्खं, देह सुवण्णस्स खंडियं एगो ।
इयरो पुण सामाइयं, करइ न पहुप्पए तस्स ॥ सो सेट्ठी धम्मसरूवं अयाणंतो तहाविहं च दाणं दितो वि अंतयालम्मि अट्टज्झाणेण मच्छं पाविऊण रण्णम्मि हत्थी संजाओ । सा वि वुड्ढा साविगा सामाइयस्स पहावेण पज्जंते नमुक्कारमहामंतज्झाणपरा मरिऊण तस्स च्चिय नयरम्मि रण्णो कण्णा जाया । एगया सो गयंदो रायपुरिसेहिं गहिओ रण्णो य पट्टहत्थी संजाओ । कयाई सो पट्टहत्थी रायपहम्मि गच्छंतो नियं घरं
८०
