________________
प्राकृतस्याश्रयमहाकाव्यम् सिसु-मंजर-जुव-वंजर-जर-मज्जारेहिँ पल-भमा दिटुं । वेरुलिअ-केसि वेडुज्ज-भूसणे किंसुअं लेसु ॥६६॥ एण्हि पिच्छेत्ताहे गिण्हसु रम्भं कुणेसु अ इमाए । पुरमाणं पि अपुव्वं आमेलं हित्थ-हरिणच्छि ॥६७।। तट्ठातत्थालि-कुलो भयस्सई अट्ठमो व्व पहिआण । तुह जुग्गो पुन्नागो रूवेण बहस्सइ-घरिल्ले ॥६८।। अमइल-तणु परिगुम्फिअ-पोप्फलि-मउरेण भसल-मलिणेण । अवह-कुचोवह-हत्थोभय-चलणे तुज्झ भूसेमि ॥६९॥ सिप्पि-पिह-नयण-छुत्तोत्तंसे आढत्त-संझ-रायमिमं । उच्चिणसु भमर-छिक्कं महु-पाइक्कं जवा-कुसुमं ॥७०।। आरद्ध-बहल-परिमल-केलि-पयाईकयन्न-तरु-कुसुमं । किडि-दाढ-सुत्ति-भंगोज्जलमुच्चिण फुल्ल-वेइल्लं ॥७१।। बाहिं अबाहिरे फुड-पेमेहि पेअसीओं तरु-हेटे । केहि पि इआलविआ रईइ माउच्छ-धूअ व्व ॥७२।। निअ-माउसिआ-पिउसिअ-पिउच्छ-तणया-घरे व्व उज्जाणे । मिहुणेहिं हित्थ-तिरिच्छि-पिच्छिरेहिं रमिअमेअं ॥७३।। आसण ठिआइ घरिणीइ गह-वई झम्पिऊण अच्छीइं । हसिरो मोत्तुं संकं चुम्बिअ अन्नं सढो मुइओ ॥७४॥ मा सोउआण अलिअं कुप्प मईआ सि तुम्हकेरो हं । इअ केण वि अणुणीआ णिअय-पिआ पाणिणीअजडा ॥५॥ किं हवसि पारकेरा न हु पारक्को तुहाहमिअ भणिआ । राइक्क-वार-विलया केणावि हु रायकेरेण ॥७६।। तुम्हेच्चया य अम्हेच्चया य एगव्व होउ तणु-लट्ठी । इअ जम्पिऊण दइआ केण वि सव्वंगिअं गहिआ ॥७७।। तुह पय-पह-पहिओ हं अप्पणयो पीणिम-प्पणइ-जहणे । पीणत्तण-सालि-थणे इअ केण वि तोसिआ रमणी ॥७८॥ पीणत्त-निहि-निअम्बे तिलेल्ल-अंकोल्लतेल्ल-कन्तिल्ले । मा तित्तिएण कुप्पेत्ति इत्तिअं को वि पियमाह ॥७९॥
७६
