Page Text
________________
'भगवं ! जे तुह आणं, तिहुयणणाहस्स कहवि खंडंति । ते मूढा अम्हे विव, दूरं कुगईसु वियरंति ॥
ता भगवं ! किं पुणो मए कयं ? जेणाऽहं एरिसो जाओ मि' एवं एसो पुच्छइ । तित्थयरो आह - भो ! भो ! महासत्त ! तम्मि काले तए चिंतियं 'जह रण्णुंदुरा धण्ण'त्ति तेण नियाणसल्लदोसाणुभावेण देवत्तणे वि रण्णुदुरत्तणे आउयगोत्ताइं णिबद्धाइं । एत्यंतरे गणहरेण भगवं पुच्छिओ - भगवं ! किं सम्मदिट्ठी जीवो तिरियाउयं बंधइ ण व त्ति । भगवया भणियं च 'सम्मदिट्ठी जीवो तिरियाउयं वेदेइ, ण उण बंधइ । भण्णइ य -
सम्मत्तम्मि उ लद्धे, ठइयाइं णरयतिरियदाराई । जइ य ण सम्मत्तजढो, अहव ण बद्धाउओ पुट्विं ॥
अणेण देवत्तणम्मि वट्टमाणेण सम्मत्तं वमिऊण तिरियाउयं बद्धं' ति । इंदेण भणियं - भगवं ! कहं पुण संपयं एसो सिद्धि पाविहिइ ? त्ति । भगवया भणियं - इओ एस वणे अप्पणो ठाणे वच्चंतो हियए चिंतिहिइ - 'दुरंतो संसारो, ण सुंदरं नियाणसल्लं, अहमा उंदुरजोणी, दुल्लहो जिणवरमग्गो । ता एत्थ णमोक्कारसणाहो मरिऊण जत्थ विरइं पावेमि तत्थ जाओ वरं' ति चिंतयंतो अत्तणो बिलिक्कदेसे भत्तं पच्चाइक्खिऊण मम वयणं चिंतयंतो णमोक्कारपरो य अच्छिहिइ त्ति । तत्थ वि अणुकूल-उवसग्गेहिं रण्णुंदुरसुंदरीहिं खोहिज्जमाणो 'अच्चंतदुक्खदाइभोगेहिं अलं, हे जीव ! संपयं पुण्णो भत्तपरिच्चाएण जं संसारतरंडयं पावसु त्ति चिंतयंतो तओहुत्तं न पुलएही। हियए जिणेसरं झायंतो तइयदिवसे खुहासोसियसरीरो मरिऊण मिहिलाए मिहिलरण्णो चित्ताणामाए महादेवीए कुच्छिम्मि गब्भत्ताए उववज्जिहिइ । गब्भगएण तेण देवीए सव्वसत्ताणं उवरि मित्तभावो भविस्सइ, तेण जायस्स तस्स णामं 'मित्तकुमारो' कीरिहिइ । तहिं परिवड्डमाणो बालो कुक्कुड-मक्कडाईहिं सह कीलिहिइ । एवं कीलंतस्स अट्ठवरिसाइं पुण्णाइं । तया वासारत्तो समागओ। तयाणि सो मित्तकुमारो नयरबाहिरं गओ समाणो तत्थ सउण-सावयगणेहिं बंधणबद्धेहिं अच्छिहिइ । तइया तेण पएसेण ओहिणाणी मुणी वच्चिहिइ । तं कीलंतं दट्ठणं ओहिणाणेण तस्स ताराचंदसाहूरूवं पेच्छिहिइ, पुणो जोइसदेवो, पुणो रण्णुंदुरओ, तओ इह समुप्पण्णो । तस्स बोहणटुं -
भो साहू देवो विय, रण्णुंदुरओ सि किं न सुमरासि ?। णियजोणिवासतुट्ठो, जेण कयत्थेसि तं जीवे ॥
एयं गाहं कहेही । तं च सोच्चा ईहापोहमग्गणगवेसणं कुणंतस्स तस्स जाईसरणं उववज्जिहिइ । णाहिइ य जहा - अहं सो ताराचंदो साहू, तओ देवो, तओ रण्णुंदुरो जाओ । तत्थ णमोक्कारेण मओ
१. विचरन्ति - भ्रमन्ति ।। २. मिथिलाभिख्यनरेन्द्रस्य ।
११२
| SR No. | 521037 |
| Book Title | Nandanvan Kalpataru 2016 11 SrNo 37 |
| Original Sutra Author | N/A |
| Author | Kirtitrai |
| Publisher | Jain Granth Prakashan Samiti |
| Publication Year | 2016 |
| Total Pages | 122 |
| Language | Sanskrit, Prakrit |
| Classification | Magazine, India_Nandanvan Kalpataru, & India |
| File Size | 7 MB |