________________
अहमकुले जाया । तओ मे पुव्वभवब्भासेण एयाए उवरि गुरुअणुरागो जाओ' । एवं केवलिणा भासियं भावंतीए तीए घि जाईसरणपुव्वयं केवलं संजायं । एवं सुणताणं राइणा महादेवीए वि य केवलं पत्तं । एवं चत्तारि वि केवलिणो जाय त्ति ॥ उवएसो -
कहं इलाइपुत्तस्स, पवित्तं बोहदाइणिं ।। सोच्चा भव्वा ! पयट्टेज्जा, भावधम्मे सुहावहे ॥ भावधम्मे इलाइपुत्तस्स कहा समत्ता ॥
- धम्मुवएसमालाए ॥
(२.) चोरिक्कविसए दुण्हं विउसाणं कहा
कुडुंबपरिपोसत्थं, चोरकम्मोज्जया बुहा ।
• परदुक्खं पि छिंदंति, बुहजुम्मं नियंसणं ॥ भोयनरिंदस्स अवंतीनयरीए देवसम्मो विण्हसम्मो अ नाम माहणा दुण्णि भायरा विउसवरा छदंसणविउणो वेयवेयंगपारंगया संति । लच्छी-सरस्सईण एगत्थवासाभावाओ ते विउसा अईव निद्धणा संति । ताणं भज्जाओ वि पइभत्तिपरा सुसीलाओ अत्थि । एगया भोयणाभावेण दुहियाओ ताओ भज्जाओ निय-नियप्पियं कहेइरे - 'चउसट्ठिकलासु तुम्हे चोरियकलं जाणेह न वा? जइ जाणेह ता चोरिक्कं काऊणं कओ वि धणं आणएह' । एवं सोच्चा धम्मपत्तीए अन्नुवायं अलहमाणा किंपि चिंतिऊण भोयनरिंदमंदिरे रत्तीए चोरियं काउं गया । रायपासाए पच्छण्णं पविट्ठा । तत्थ सुवण्ण-रयय-मणि-माणिक्क-पवालरासिं पासित्ता 'एयाणं हरणमईव पावं'ति सत्थे कहियं, एवं वियारं किच्चा धन्नागारेसु गच्चा सालीणं दुपोट्टलिगं बंधिऊण मत्थएसुं ठविऊण जया निग्गया, तया भोयनरिंदो महारिहसयणे सुत्तो आसि । पल्लंगसमीवंमि एगो मक्कडो हत्थे असिं घेत्तूण सावहाणो नरिंदं रक्खइ । ताहे पल्लंगुवरि एगो सप्पो मंद मंदं संचरमाणो निग्गओ । तस्स छाया नरिंदोवरि पडिया, तं दट्टण सप्पबुद्धीए नरिंदं पहरिउं लग्गो । तया ते विउसा तारिसं असंजमसं दट्ठण सिग्घयरं मक्कडं निग्गहिउं लग्गा । मक्कडो वि असिं घेत्तूण तेहिं सह जोद्धं पउत्तो। एवं हलबोले जाए जग्गिओ नरिंदो माहणे पुच्छइ – 'के तुम्हे ? कत्तो आगमणं ?' । ते सच्चं कर्हितिअम्हे चोरिक्कत्थं एत्थ समागया, तुण्णं गच्छंता अम्हे एयं कवि सप्पभमेण असिणा तुमम्मि पहरमाणं पासिऊण रक्खणत्थं अणेण सह जुद्धं किच्चा तुमं रक्खित्था' । निवेण पुच्छियं - 'किं अवहरियं' । तेहिं वुत्तं सालीणं पोट्टलिगा भरिया, जो "सुदण्णाइदव्वहरणं महापावं' अत्थि, तओ भोयणत्थं
