________________
शासनसम्राट श्रीमान् जातः षष्ठो हि नेमिसूरीशः । जिनशासनोदधिं यो, विधुरिव संवर्धयामास ॥१५९॥ श्रीप्रेमविजयनामा, मुनिवर्यः सप्तमो बभूव कृती। सन्मित्राध्यात्मरुचिः कर्पूराख्योऽष्टमो जज्ञे ॥१६०॥ सज्ज्ञानादित्रितया-राधनवशतो यथार्थयन्नाम । श्रीमानुत्तमविजयो, नवमो जातोऽनगारेशः ॥१६१॥ पट्टावलीयमिति वीरविभोवरेण्या दृब्धा मया तनुधियाऽपि गुरोः प्रसादात् । अन्तःस्थितोऽपि लघु तारयतीह वायुः, किं नो दृतिं निरवधिं जलधिं जगत्याम् ॥१६२॥
॥ इति प्रथमः सर्गः ॥
(अनुवर्तते)
२२
