________________
दक्खत्तणयं पुरिसस्स, पंचगं सइयमाहु सुंदेरं । बुद्धी सहस्समुल्ला, सयसाहस्साइं पुण्णाई ॥१॥ सत्थाहसुओ दक्ख-त्तणेण सेट्ठिसुओ य रूवेण ।
बुद्धीइ अमच्चसुओ, जीवइ पुण्णेहिं रायसुओ ॥२॥ उवएसो- दक्खत्ताइगुणग्गामे, मच्चा पुण्णमिहं वरं ।
लाहह्र सयय तस्स, उज्जमेज्जा सुहेसिणो ॥३॥ दक्खत्त-रूव-बुद्धि-पुण्णाणं मुल्ले निवाइपुत्ताणं कहा समत्ता ॥
- उवएसपयाओ
(२) परिणयबुद्धीए वुड्ढ-तरुणमंतीणं कहा 'नाणं निरत्थयं तस्स, जस्स नाऽणुभवो 'मणा' ।
महीवस्सेह दिèतो वुड्ढतरुणमंतिणो । एगस्स महारायस्स दुविहा मंतिणो, वुड्ढा तरुणा य । तरुणा भणंति - "एए वुड्ढा मइभंसपत्ता, न सम्मं मंतिणो त्ति, ता अलाहि एएहिं, अम्हे चेव पहाणा" । अन्नया तेसिं परिच्छानिमित्तं राया भणइ - "भो सचिवा ! जो मम सीसे पण्हिप्पहारं 'दलयइ, तस्स को दंडो कीरइ ?" । तरुणेहिं विआरसुन्नेहिं भणिअं - "किमेत्थ जाणियव्वं ? तस्स सरीरं तिलं तिलं कप्पिज्जइ, सुहुयहुयासणे वा छुब्भइ" । तओ रन्ना वुड्डा पुच्छिया । तेहिं एगंते गंतूण विआरिअं - 'नेहप्पहाणा महादेवी चिय एवं करेइ, ता तीए पूआ चेव कीरइ, एयमेव एत्थ वत्तव्वं' ति निच्छिऊण भणियं - "जं माणुसमेरिसं महासाहसमायरइ, तस्स सरीरं ससीसवायं कंचणरयणालंकारेहिं अलंकिज्जइ" । तुद्वेण रण्णा भणियं - "साहु विन्नायं" ति रण्णा सच्चदंसिणो ते च्चिय पमाणीकया । जओ परिणयबुद्धिबला वुड्ढा अहियकारणेसु कया वि न पवस॒ते ।। उवएसो -
वुड्ढतरुणमंतीणं, नायगं नायगब्भियं । सुणिऊण 'वियारित्ता सया कज्जगरो भव' ॥ परिणयबुद्धीए वुड्ढतरुणमंतीणं कहा समत्ता ॥
- धम्मरयणपयरणे
१. मनाक् । २. ददाति ।
७९
Jain Educationa Interational
For Personal and Private Use Only
www.jainelibrary.org
