________________
वन्दना
डॉ. वासुदेव वि. पाठकः 'वागर्थ'
गौरीसुत गणाध्यक्ष सुरासुरनरार्चित । साफल्यं ते कृपासाध्यं शुभकार्येषु सर्वदा ॥
प्रभुं प्राणनाथं परेशं नमामि
वरां वत्सलां मातृभूमिं नमामि ।
दयार्द्रं कृपार्दं भजे विश्ववन्द्यम् गुरुं गौरवार्थं प्रसन्नं नमामि ॥
प्रभो भक्तिमत्ता भवेद् ज्ञानयुक्ता विभो ज्ञानशक्तिर्भवेत् कर्मयुक्ता । शुभा कर्मनिष्ठा भवेत् सौम्यताढ्या गतिर्मे भवेत् सद्गुरोराशिषाढ्या ॥
गुरोः पादपद्मे मुदा नन्नतिस्स्यात् गुरोः पूजनार्थं पवित्रा मतिस्स्यात् । कटाक्षैः कृपासारयुक्तैः गुरुत्वम् करोतु प्रसादेन सत्पात्रतां मे ॥
देशिकानां दयादृष्ट्या वृष्टिस्सर्वार्थसाधिका । तया स्यात्सुफलं सत्त्वं सततोत्कर्षकारकम् ॥
१०
३५४, सरस्वती नगर, आंबावाडी, अमदावाद - १५. दूरभाष : ०७९-२६७४५७५४
