________________
एयं आणं सम्म पालेता अणंता जीवा कम्माणि खविऊण मोक्खं पाविया, अन्ने के वि अज्ज वि पावेतिं, अवरे वि य अणंता पाविस्संति।
अह जिणिदेहिं धम्मस्स अणेगे भेया कहिआ। किंतु तत्थ अहिंसा दया च्चिय पहाणो धम्मो । अण्णे सव्वे वि वय-नियमा अहिंसाव्वयस्स संरकख्णत्थमेव भणिआ । तह वि केइ भेए भणामि। तत्थ दुविहो धम्मो सुयधम्म-चरित्तधम्मभेएण हवइ। तिविहो धम्मो अहिंसा-संजमतवभेएहिं हवइ । चउव्विहो धम्मो दाण-सील-तव-भावभेएहिं हवइ । एवं जइधम्मो दसविहो हवइ । इच्चाईया अणेगे भेया धम्मस्स संति । किं तु सव्वे वि अहिंसाए साहगा।
(आसव-संवराण अहिंसाए य विसेसं सरूवं अवसरे लेहिस्सं।)
अह सिरिजिणेसरभगवंतोहिं अम्हाण उवरि अणेगे उवगारा कया । अओ तेसिं बहुमाणनिमित्तं अम्ह कयन्नुयं च दरिसेउं तेसिं पूया कायव्वा चेव । पूया य दुविहा हवइदव्वपूया भावपूया य । तत्थ गिहत्थाणं दोसु वि पूयासु अहिगारो, साहूणं तु भावपूया चेव अहिगया।
एसो लोयपसिद्धो नियमो जं ण्हाणं काऊण च्चिय देवाणं पूया कायव्वा । अओ एत्थ वि पहाणं काऊण भगवंताण पूया कायव्वा । एत्थ पण्हो हवइ णणु गिहत्था पहाणं काउं अरिहंति, साहूणं तुं पहाणं निसिद्धं, तया तेहिं कहं पूया कायव्वा ?
अस्स समाहाणं, पूयापयारे, पूयाविहिं च अण्णम्मि पत्ते लेहिस्स ति सं।
| गुणसुट्ठिअस्स वयणं घयमहुसित्तो व्व पावओ भाइ। गुणविहीणस्स न सोहइ णेहविहीणो जह पईवो ॥
श्रीदशवैकालिकवृत्तौ।
Jain Education International
For Private & Personal Use Only
www.jainelibrary.org
