________________
८२
-
-
-
--- मुनि कल्याणकीर्तिविजयः
HATH
सोत्थिसिरि णवखंडपासणाहं हिअयंमि पणिहाय
परमगुरुसिरिविजयणेमिसूरीसरं च वंदिऊण आणंदो धम्मलाहेण TM संभाविज्जइ मुणिकल्लाणकित्तिणा। सिरि आणंद !
पुज्जगगुरुभगवंताण पुण्णनिस्साए अम्हे सव्वे वि सुहं ठिआ णिरामया वट्टामो । तं पि कुसली हवेज्ज।
पुव्वपत्तंमि मए किं चि देवसरूवं लिहि, तहा तस्साणाए पालणमेव तस्साराहणं, तप्फलं च संसारक्खओ इइ वण्णिअं। अह तस्स देवस्स आणा का ? इइ पण्हो उठेइ । तस्समाहाणमेवं
एत्थ किर लोयम्मि पयत्था तिविहा हवंति । केइ णेया, केइ हेया केइ य उवाएया। तत्थ लोगसरूवं णेयं आसवो हेयो संवरो य उवाएयो इइ भगवंतस्स आणा। तत्थ लोग-सरूवं अण्णया कयाइ जाणाविस्सं।
आसवसरूवं एयं - जहा सव्वओ दारेहिं आगच्छंतेण जलेण तलायं भरिज्जइ एवं जीवो वि पइसमयं विविहेहिं दारेहिं आगच्छंतेण कम्मजलेण पूरिज्जइ । एत्थ जाइं दाराइं ताई चिय आसवसद्दवच्चाई। मिच्छत्तं, अविरई, कसाया, जोगा य आसवस्स भेया। अण्णहा वि आसवस्स भेया एवं कहिआ - इंदियाइं, अव्वयाई, कसाया, जोगा, असंतकिरिया य। अहवा जाए कयाए कम्मबंधो हवइ सा सव्वा वि किरिया आसवो । सो य भवहेऊ। एसो आसवो सव्वहा चएअव्वो इइ सिरिजिणिंदाण आणा। किंतु अम्हारिसेहिं हीणसत्तेहिं सो सव्वहा चइउं न सक्को । अओ जेण जेण पयारेण सो चइज्जइ तेण तेण पयारेण जिणिदाणं आणा पालिया चिय हवइ। तहा य ताए पालियाए तेण पयारेण संसारस्स-कम्मस्स य खओ वि हवइ।
संवरसरूवं एयं - जाए किरियाए आसवदाराण रोधो हवइ, तहा य कम्मबंधो वि निलंभिज्जइ सो संवरो कहिज्जइ । तस्स वि समिइ-गुत्ति-परीसह-जइधम्म-भावणाचरित्तरूवा छ भेया। एसो संवरो सव्वहा उवाएयो इइ जिणेसराण आणा । संवरो य एसो जहा जहा आयरिज्जइ तहा तहा जिणेसराण आणा पालिया हवइ । ताएय पालियाए कम्मक्खयकमेण संसारो वि लहूहवइ।
Jain Education International
For Private & Personal Use Only
www.jainelibrary.org
