________________
८०
अन्वयः
भावार्थः
अन्वयः
जलपडिबिंबअतरुअरफलेहिं को णाम तित्तिं पाविओ ? सुमिणोवलद्धअत्थेण वा को ईसरो संजाओ ? | तलायजले पडिबिंबआई तीरठियरुक्खाण फलाइं आसाएउं किं को वि तित्तिं पावेइ? ण पावेइ। सुमिणे पत्तेण विसालधणनिहिणा वि किं को वि महड्डिओ हवइ ? ण चिय हवइ । एमेव एएहिं मियजलतुल्लेहिं निप्फलेहिं विसएहिं सेविएहिं न को वि संतुहिँ अणुहवइ णावि य किंचि अत्थं पसाहेइ, किं तु तस्स तण्हा चिअ वड्ढइ। जह विसयसेवणं निप्फलं ता केण कएण सेविएण वा जीवो सुहं पावेइ ? किं वा सुहाण बीअभूयं कारणं ? इइ पुच्छिए धम्मस्स चिय सयलाण सग्गापवग्गसुहफलाणं मूलकारणत्तणं इइ वइरेगमुहेण उवइसइ - कस्स वि निब्बीआई सित्ते रोहंति सयलसस्साइं?। को वा धम्मेण विणा वि भायणं होइ सुक्खाणं? ॥८॥ निब्बीआई सयलसस्साइं सित्ते कस्स वि रोहंति ? धम्मेण विणा वा को वि सुक्खाण भायणं होइ? बीयं अवविऊण च्चिय जलसिंचणेण किं को वि सस्साई पावेइ ? न चिय पावेइ । एवं धम्मबीए अवविए किं को वि कहमवि सुहाई पावेइ। न चेव पावेइ। जो धम्मस्स आराहणं करेइ सो चिय सुहाण भायणं होइ । अओ सयलसुहत्थिणा धम्मो चेव कायव्वो। सुहत्थिणा धम्मो च्चिय कायव्वो। किंतु धम्माणुठाणेसु सुहजोगाण य आसेवणे जीवस्स अलसत्तणं सुपसिद्धमेव । किं तु भावणाभावणं तु सुहकरणिज्जं । अओ जीवं निब्भच्छिउण भावणं भावेउं पेल्लेइ।। सत्तो वि तवं तविउं सुअंच पढिउं चरित्तमवि चरिउं । जइ न तवसि न पढसि नेव चरसि सुहलालसो संतो
॥ ९॥ ता किं थिरचित्तो सत्तुमित्तमयं विहाय खणमेगं । भावेसि भावणं नेव जीव ! निल्लज्ज ! कइया वि?
॥१०॥
भावार्थः
Jain Education International
For Private & Personal Use Only
www.jainelibrary.org
