________________
नन्दनवनकल्पतरु: २......
सढे सढत्तणं
'-मुनिकल्याणकीर्तिविजयः एगो कोइ कासओ नियछेत्ते उग्गयाहिं कक्कडीहिं सगडं भरिऊण ता विक्केउं नयराभिमुहं गच्छंतो नयरदारे चिअ एगेण धुत्तेण भणिओ
रे सागडिआ ! जइ को वि एयाओ सव्वाओ कक्कडीओ खाएज तया तं तस्स किं दाही?''
तेण ‘को वि एत्तियाओ कक्कडीओ कया वि न खाएज' इइ चिंतिऊण जंपियं- “जो एया सव्वा वि खाएइ तस्साहं तं मोयंग दाहं जो एयाओ नगरदाराओ वि न णीसरइ।'
तया धुत्तो भणइ “ रे ! अहं चिय तुह कक्कडीओ खाएमि, तुमए य मज्झ सो मोयगो दायव्वो जो नगरदाराओ वि न निग्गच्छइ।" ___ “एवं' ति कासएण अंगीकए धुत्तेण नगरजणा सक्खीकया। पच्छा सगडं आरोविऊण सव्वाओ वि कक्कडीओ ईसि ईसि चक्खिया । तओ सागडिअं भणइ “भो कासआ! मए तुह सव्वा वि कक्कडी खइया । अहुणा मं पुव्वुत्तं मोयगं देहि।"
कुविएण कासएण भणिअं “अरे ! इमाओ कक्कडीओ एत्थेव चिट्ठति । न खाइया तुमए । कहं मोयगं देमि ? मं पयारेसि ?''
धुत्तो कहइ - “जइ न खइया ता विक्किणसु'।
तो कासओ ता विक्केउं चउक्के आगओ । तं दद्दूण बहुणो जणा कक्कडीओ कइउं समागया। तं च भणंति -
“किमेयाओ विक्किणसि ?'' ___“एवं'' ति तेण भणिए सव्वे वि समीवं गंतूण कक्कडीओ पासंति । पासिऊण भणियं तेहिं - “भो सागडिआ ! को मुरुक्खो अत्थि जो एयाओ खइयाओ कक्कडीओ किणइ ?''
एयं सोच्चा धुत्तेण भणियं “रे ! किं एण्हिं पि न खइय' त्ति भणसि?"
-
।
-
-
Jain Education International
For Private & Personal Use Only
www.jainelibrary.org
