________________
......नन्दनवनकल्पतरुः २......
-
तया सागडिएण भणियं “भो ! नायसालं गच्छामो । तत्थेव नाओ भविस्सई'
धुत्तेण अब्भुवगए दो वि गया तत्थ । दोण्हं पि वित्तंतं सुणिऊण नायाहीसेण भणियं जं “धुत्तेण सव्वा वि कक्कडी खइय' त्ति । जिओ सागडिओ । अओ धुत्तो मोयगं मग्गेइ । तेण कासओ चिंताउलो जाओ। ____ एत्थंतरंमि तेण पुव्वपरिचिओ जुत्तिकारो दिट्ठो । तो सो तस्समीवं गंतुं विणएण नमिओ, तं च सेविउं लग्गो । तया तुट्टेण जुत्तिकारेण कजे पुढे एएण सव्वो वि कक्कडी-मोयगवुत्तंतो कहिओ । तं सुणित्ता जुत्तिकारेण सो कण्णंमि किं पि सिक्खाविऊण पेसिओ । ___तयणु सो आवणाओ एगं लहुं मोयगं किणित्ता धुत्तेण सहिओ नयरदारं गओ । तत्थ सक्खिणो आहूया । तओ धुत्तस्स पुरओ नयरदारमझे तं मोयगं ठवित्ता भणइ
“रे रे मोयग ! जाहि जाहि । णीसर नगरदाराओ।" मोयगो न णीसरइ । तओ एएण सक्खिणो भणिया “मए तुम्ह समक्खमेव पइण्णा कया जं - जइ एसो मं जिणइ ता मए एयस्स सो मोयगो दायव्वो जो एयाओ नगरदाराओ न णीसरइ । एस मोयगो न णीसरइ । अओ एएण गहेयव्वो एसो मोयगो।"
एयं सुणित्ता सव्वेहिं पि सक्खीहिं तं अंगीकयं । तओ धुत्तो वि विलक्खीहूओ तं मोयगं गहेऊण गओ। एसो वि सागडिओ तं जुत्तिकारं पसंसंतो नियगिहं गओ।
-
जह तुब्भे तह अम्हे तुब्भे वि य होहिहा जहा अम्हे। | अप्पाहेति पडतं पंडुयपत्तं किसलयाणं ।।(उत्तराध्ययननियुक्ति)
-
Jain Education International
For Private & Personal Use Only
www.jainelibrary.org
