________________
१३.
तरंगाला
केइ पर-दार-भीरू वच्चंति विणीय-संकुचिय-गत्ता । दीण त्ति स-पुरिस ति य दळूण ममं अवसरति ॥९५ , हंतूण तरुणमिणमो धुवमणुवम-रूव-जोव्वण-समग्गं । एयं काही महिलं महिलं सेणावई अम्हं ॥९७५ एवाणीय-अणाणिय-पुरिसा महिला तत्थ जंपिति । पिय-मरणमतिदिसंता भयमतुलतरं जणंता मे ॥९७६ सलहंति मम तरुणा विसेसओ पिययमं च तरुणीओ। सेसोत्थ जणो दोसु वि अणुरत्तविर(?) मज्झत्थो ॥९७७ अरि-मित्तोदासीणेण तेण पल्लीजणेण दीसंता । तुंगं कंटय-त्राहिं सेणावइणो घरं णीया ॥९७८ तत्थ य दिण्ण-पवेसा अइणीया साह-मंडवं तुंगं । तं चोर-वसहि-गोटुं सेणावइणो उवट्ठाणं ॥९७९ दिट्ठो य णे निविट्ठो किसलय-निचयासणे तहिं घरिणि । चोर-गण-गामणी सो वर-भर-चूडामणी सूरो ।।९८० खिप्प-तवणिज्ज-कंती-धराए फुल्लाए असण-साहाए । सणियं वीजिज्जतो महुकर-कोलाहल करीए ॥९८१ वीर-भड-लंछणेहिं य अहिमुह-बहु(१) लद्ध-सग्घेहि । पहरेहि चित्तंगो संगाम-समालभणएहिं ॥९८२ बहु-समर-पुग्ग(?)-विहडिय-नियत्तण-घडिय-सुहड-सट्टेहिं । चोरेहिं परिखित्तो जमो व्व जह काल पुरिसेहिं ॥९८३ कोसिय-निसरिसक्खो उम्बद्ध-महंत पिंडिया-जंघो । कढिणोरु पीण-कडी सण्णय-पस्सोह रोधी?) ॥९८४ मरण-भय समुत्तत्येहिं तत्थ अम्हेहि वेषमाणेहिं । सो पंजलि-कर-पुड-पाहुडेहिं संपूइओ चोरो ॥९८५ सो णे भय-परिवट्टण-करीए आकुणियाए दिट्ठीए ।। 'निज्झाइयनिमिसच्छो हरिण-मिहुणयं व सदूलो ॥९८६ ते विय णे चोरभाणा सहाव-रोहाहिं ताहिं दिट्ठीहिं । दळूण रुव-लायण्ण-जोव्वणं विमिहया जाया ॥९८७ गो-महिला बंभण-घायणाहिं बहुयाहिं पाव बुद्धीहि । निकिव निरिघण-हियओ अह सो सेणावई तत्थ ॥९८८ अम्हे य निरिक्खेतो मीमो कंप-रहियं तहिं एक्कं ।' . संदिसइ घोर चोर आसणं किंपि कण्णम्मि ॥९८९
